Skip to Content

Thursday, March 28th, 2024
نامه‌ تایبه‌ته‌كان  … شیعری: ئیبراهیم هه‌ورامانی

نامه‌ تایبه‌ته‌كان … شیعری: ئیبراهیم هه‌ورامانی

Closed
by December 25, 2012 ئەدەب

 

 

 

بیرت چۆته‌وه‌ 

دڵم مشتێ‌،

گۆشت و خوێنه‌.

ئه‌م هه‌موو 

بێ‌ ڕه‌حمیه‌ت بۆ؟

  ***  *  ***

 

ئه‌گه‌ر هاتی 

به‌ئه‌سپایی وه‌ره‌.

گوڵه‌كانی باغچه‌كه‌م 

به‌خیلیت پێ‌ ده‌به‌ن.

كه‌ ماڵه‌كه‌م پڕ ده‌بێ‌ له‌بۆنی تۆ .

 ***   *  ***

به‌رله‌وه‌ی تۆ

له‌زه‌نگی ده‌رگاكه‌م بده‌ی .

هه‌وره‌ بروسكه‌كه‌

ئاگاداری كردمه‌وه‌  

زانیم تۆی ،دێ‌ ی .

  ***  *   ***

دره‌نگانی شه‌وو

خوڕه‌ی  بارانه‌كه‌ 

وه‌ خه‌به‌ری  هێنام 

له‌ده‌نگی پێ‌ ی تۆ ده‌چوو.

 ***  *   ***

هه‌میشه‌  ته‌نیا نیم

قه‌ت بیرم  نایه‌ 

له‌بیری تۆدا نه‌بوو بم  .

 

***  *  ****

به‌فر  داده‌بارێ‌

دڵم ته‌نگه‌ .

ژووره‌كه‌م پڕكه‌ له‌ حیكایه‌ت 

با له‌مه‌راقا  وورد  نه‌بم 

 

 

Previous
Next
This site is registered on wpml.org as a development site.