نیشتیمانێك ، مات وەكو خۆم

 نیشتیمانێك ، مات وەكو خۆم
 بەرزان هەستیار   
    كانوونی دووەمی ‏2009  ‏‏     
    كۆلن   
 bhastiar@yahoo.de
          
    
 
 
 بیركردنەوە لە نیشتیمان …
 چزووی ئەو دووپشكە بێ ئومێدەیە
 لە نێو كلیلەی ئاگردا
 لە سەری خۆی ئەچەقێنێت ،
 بیركردنەوە لە نیشتیمان …
 پەنجە خستنە نێو قژی شۆخەژنێكە….
 لەبەر تریفەی  مانگەشەوێكی هاویندا ،
 بیر كردنەوە لە نیشتیمان
 ژەهرێكە لە ماچی یار شیرینتر و
 كڵۆ شەكرێكە لە فیراق تاڵتر
 من وەك منداڵێك ،
 چۆن بیر لە هاتنی یەكەم أۆژی جەژن ئەكاتەوە
 بیر لە نیشتیمان ئەكەمەوە
 بیر لەو شەأانەش ئەكەمەوە بە یەكمان فرۆشت ،
 ئەو "داو"انەی بە ناوی عیشقەوە
 لەسەر بەفری " أیا " بۆ یەكمان دانا
 ئەو بوختانانەی بە بیانووی ناپاكییەوە بۆ یەكمان كرد
 ئەو "مین "انەی لە لا أێدا بۆ یەكتریمان چاند
 "مین"ی عیشق و خیانەت و
 گومأابوون و
 " مین " ی   هەموو شتێك ، هەموو ……………..!
 
  *******
 لەوە تێ ئەگەم نووستن  ، مردنێكە كاتیی ،
 بەڵام بیركردنەوە لە نیشتیمان ، زیندەگانییەكە هەمیشەیی و
 مردنێكە ، نا كۆتا ؛.
 نیشتیمان ، بە دڵێكی پاك و
 بە هەموو تەنەكە خۆڵە ژەنگاویەكانیەوە
 پیاسەی كەناری " أاین " م لەگەڵ ئەكات و
 بە أیزێك "مەنهۆلََّ "ی شكاوەوە
 لەگەڵما خۆی ئەكات بە كڵیسا زەبەلاحەكەی "دۆم "دا و
 بە شەقامە پأ تاسەو چاڵەكانیەوە
 قۆڵ ئەكات بە قۆڵما و
 بە سوپەر ماركێتەكاندا فأكەمان دێت
 بە أانك و چۆغەیەكی شأەوە …
 پێش من خۆی ئەكات بە باأێكی قەرەباڵغدا و
 بەو نیوە زمانییەی خۆیەوە …..
 داوای دوو " بیرە " بۆ هەردووكمان ئەكات
 چەند جوانە نیشتیمان ،
 بێ ئەوەی ئارایشت بكات ،….
 لەگەڵما دێتە ئاهەنگ و
 سەما ئەكات و گۆرانیش ئەڵێت ،
 لە ناكەس بەچەیی كوأەكانی نەبێت ،…
 شەرم لە سادەیی خۆی و
 لە بێكەسیی خۆی و
 لە نابووتیی خۆی  ناكات ؛
 لەوەتەی هەیە نیشتیمان ،
  وەكو دایكم…..
  هەر خەریكی منداڵ بوون و
  گسكدان و
 قاپ شۆرین و
 جل شتن و
 میوان بەأێ كردنە ،
 وەك نەنكیشم …..
 دەستەكانی ئەلەرزن و
 چاوانی ، كز ،
 لە نێوەندی شەقامێكی قەرەباڵغدا
 هۆأنی ماشێنەكان كاسی ئەكەن و
 كەس نییە بیگەیەنێتە سەر شۆستەكە
  *******
 نیشتیمانە بێ دەرگاكەم ،
 نیشتیمانە بەرەڵڵاكەم ،
 نیشتیمانە فریشتەكەم ،
 نیشتیمانە نورانییەكەم ،…..
 هەموو أۆژێك  ئەیبەنە بەر دەروازەكەی بەهەشت و
 ناشهێڵن بچێتە ژوورێ ،
 أۆژ نییە نەیگەیەننە بەر قاپیی دۆزەخ و
 سووتانی خۆی پیشان نەدەن ؛
 نیشتیمانە وەحشییەكەم ، ئەلف و بێ جیا ناكاتەوە و
 ئەدرێسی خۆی لەبەر نییە  ،
 هەموو أۆژێك لە كۆڵانەكەی خۆشمانا ون ئەبێت و
 ئەبێت دراوسێ حیزەكان بیهێننەوە