Skip to Content

Monday, September 21st, 2020

هه‌ڵوێسته‌یه‌ک بۆ مۆم (ره‌مزی فیداکاری)

Be First!
by September 26, 2008 ئەدەب

 هه‌ڵوێسته‌یه‌ك بۆ(مۆم(
   ڕه‌مزى فیداكاریى
  ئارێز سمکۆ

 
 -1-
 
 كاتێ (مۆم) له‌ بازاڕ ده‌كڕم
 پێیان وایه‌
 ڕۆژى له‌دایك بوونمه‌!
 هه‌تا ڕۆژێ(مۆم)فرۆشێك پێى وتم:
 تۆ مانگێ چه‌ند جار
 له‌دایك ئه‌بیت؟!
 
 -2-
 
 هاوڕێیه‌كم سێ( مۆم) و
 گه‌لێ ڕازى پێدام
 سێ (مۆم)ى له‌یه‌ك جیا
 (سه‌وز و شین و سوور و
 شین و سوور و سه‌وز و
 سوور و سه‌وزو و شین(
 سوتاندنیان ئه‌سته‌م بوو
 شینم نه‌سوتاند
 سه‌وزیش نه‌یتوانى بسوتێ
 سوورم خێرا هه‌ڵكرد
 به‌یادى ئه‌و ڕامام و
 سپاردمه‌ ئه‌و دیوى شه‌و…!
 
 -3-
 
 زۆرپێم سه‌یره‌
 (مۆم) له‌وه‌ته‌ى هه‌یه‌
 له‌گریانێكى به‌رده‌وام دایه‌ !
 
 
 -4-
 
  (مۆم) ده‌سوتێ گه‌رچى
 ده‌شزانێ سووتانى
 ماناى مردنى ده‌گه‌یه‌نێ
 
 
 -5-
 
 گه‌ر(مۆم) ماناى فیداكارى نه‌بێ
 ده‌بێ چ مانایه‌كى تر بگه‌یه‌نێ
 
 -6-
 
 ئه‌وه‌ى له‌وه‌ته‌ى وه‌بیرمان دێ
 له‌گه‌ڵ تاریكى شه‌ڕده‌كا (مۆم)ه‌
 كه‌چى ده‌شزانین به‌بێ یه‌كتر
 دووماناى زۆرله‌یه‌ك جیاوازن
 
 -7-
 
 (مۆم) ێك  وتیه‌(مۆم)دانێك:
 تۆچۆن ده‌توانى چاوه‌ڕێى
 مردنم بكه‌یت وتى:
 هاوڕێ چۆن ناتوانم
 ئاخرمن ده‌مه‌وێ هاوڕێى
 (مۆم) م زۆر بێت!
 
 
 
 
 
 -8-
 
 له‌(مۆم)ێكیان پرسى :
 تۆ حه‌ز ده‌كه‌یت له‌كوێ بسوتێى
 له‌ده‌ورى په‌روانه‌
 یاله‌ماڵى سوڵتان
 یان له‌باخچه‌یه‌ك
 یان……یان….یان…
 وتى: له‌ هیچ كامێكیان!
 وتیان: ئه‌ى له‌كوێ؟
 وتى:له‌ماڵى شاعیرێ!
 
 
 -9-
 
 مۆم چه‌نده‌ شكۆداره‌
 ئه‌لێى پاشاى مه‌مله‌كه‌تى
 مێزه‌كانه‌…؟
 
 
 -10-
 
 (مۆم)كارى ئه‌وه‌یه‌
 زه‌فه‌ر به‌ تاریكى ببات
 نه‌ك له‌ئاستیدا ده‌سته‌مۆبێت
 
 ئازارى2007
 
 – له‌گۆڤارى (ئاینده‌)ى،ژماره‌ (73)  بڵاو كراوه‌ته‌وه‌.
 
 
 

Previous
Next

Leave a Reply