Skip to Content

Friday, May 7th, 2021

وراتی کۆیه‌‌…. دڵشاد تاقانە

Be First!
by January 29, 2013 هۆنراوە

 

 

ئاوه‌دان‌‌ شاری‌ کۆیه‌ که‌سکه‌‌ پشتێن‌ که‌مه‌ری

ڕه‌زی چڕ ڕووباری خوڕ که‌کۆنه‌‌ تاجی سه‌ری

تاچاو بڕکا ده‌یبینی فه‌ڕاحه‌‌‌ ده‌شت و ده‌ری

وراتێکی ده‌وران دیو‌‌ه‌ مێژوو پڕ له‌سه‌روه‌ری

 

گه‌ری‌ پیره‌‌ باواجی دوو لوتکه‌یه‌‌ ‌ژوورسه‌ری

تێنیه‌تیمان ده‌شکێنێ ‌حه‌مامۆکی که‌وسه‌ری

هه‌یبه‌سوڵتان ڕاکشا باسکی نایه‌‌‌ بن سه‌ری

ته‌که‌ڵتوو به‌رز ڕوانه‌ شکۆمه‌ندی‌ ئه‌وسه‌ری

 

له‌ڕووخانی شێخانی دێ به‌دێ بای شه‌ماری

شنه‌ی‌ ده‌کا شه‌وانه‌‌‌ هه‌تا ناوجه‌رگه‌ی شاری

وه‌رزی گه‌رمای دایجۆشێ بکا شه‌ڕی لاساری

له‌کوێستانێش ڕا دێتن ڕه‌شه‌باکه‌ی کۆساری

 

ئه‌م ناوچه‌ی دێرزه‌مانه‌ کۆدێیه‌ شارستانه

حونه‌ریی داهێنه‌ران‌‌‌ هۆنه‌ری هونه‌رستانه‌

نه‌زرگه‌ی گردی ‌جوان پیرۆزگه‌ی ئاینستانه‌‌

جێ دیانه‌ موسوڵمان زه‌رده‌شتی‌ گۆڕستانه

 

کوڕیان ئازا به‌تینه‌ شۆڕێ کچیان‌ سه‌نگینه‌

هه‌رکه‌س بکا دیده‌نی ده‌بینێت ئه‌م ئه‌وینه‌

‌خه‌رکی کۆیی خۆیینه مێواندۆستی خۆژینه‌‌

مه‌ردن کوڕی ته‌نگانه‌ کاتی قه‌ومان بیبینه

 

 

                                      Dlshadtakana@yahoo.com                 

 

 

 

 

Previous
Next

Leave a Reply