Skip to Content

Saturday, December 5th, 2020

پاسى نەسر … نەوزاد بەندى

Be First!

 

 

 

 

 

 

بەیانییەک ،

بە پەلەپڕوسکێ،

کراسى سپى

پانتۆڵى خۆڵەمێشیى

چاکەتى نیللیم ، پۆشى ..

تامى نان و چا وشکەکەیش ،

ئازارى قوڕگى ئەدام ..

ئەو بەیانییە تەم دابەزیبو ،

بە بێ دەنگ ،

بە کۆڵانەکانى حەى مەعاریزدا ،

پیاسەى ئەکرد ..

ئینزیباتەکان نەیانئەزانى چۆن داواى هەویەى لێبکەن ؟

چۆن چەند شەوێ بیکەنە ژوورەوە .. ؟!!

هاتمە دەرێ ..

لە بەشى ناوخۆیى بیست و حەوت ..

شوقەى پێنج..

ژوورى سێ ..

سڵاوێکم لە تەم کرد و

دەنگى ڕیشۆڵەکان ،

ئەوەیان بیر خستمەوە کە تۆزێکى تر ،

ماجیدە ڕومى و

پاسى نەسرى سوور و

گۆرانى : مەحەدا بیعەبى ،

چاوەڕوانم ئەکەن ..

هێواش – هێواش تەم ،

یەخەى کۆڵانەکانى موسڵى بەر ئەدا و

منیش ،

لە لابوورەکانى بایۆلۆجیدا ،

سەرقاڵى جنسى مێروویەک بوم ..

یان ئەمویست یادگارییەکانى گەڵایەک بخوێنمەوە ،

بزانم لە چ وەرزێکەوە ،

لە چ درەختێکەوە ،

تەشریفى هێناوە ؟

( برنج و فاسۆلیا سارد و سڕەکەى 

مەرکەز توڵابى ..

سەرئێشە ناوەختەکەى نیوەڕوان ..

تۆز و خۆڵە هەمیشەییەکەى غەریبى .. )

ئاگام لێ بو ،

شیعرێ خۆى کرد بە بەشى ناوخۆییدا ،

پێى وتین : غەریبیتان باش گەلۆ !

عاجز مەبن ئەگەر بڵێم ،

ئەم شەوانە ،خۆشترین ڕۆژەکانتانن ..

چاوەڕوانتانە ڕەفیق حیزبیەک لەبەردەم زانکۆ  ،

بۆ ئەوەى خەونە پەمەییەکانتان ،

خەڵوزاوى کا ..

( دیجلە وتى : نەخێر ..

من ناهێڵم خەونە ترش و شیرینەکانى زانکۆ ،

تێکەڵاوى ڕەژوو بن ..)

ساڵان هاتن ..

ساڵان ڕۆیشتن ..

نەک هەر خەونەکانمان بوون بە ڕەژوو ،

تەنانەت دیجلەیش داخڵى قائیمەى وشکە ساڵیى بوو ..

 

Previous
Next

Leave a Reply