Skip to Content

Thursday, January 21st, 2021

پشتی ده‌هـ سالێن ئازادیا عیراقێ‌!

Be First!

 

 

 

دڤێ‌ هه‌یڤێ‌ دا ئه‌م بیرئانینا ده‌ست پێكا قوناغه‌كا دی یا گورانكاریان ل عیراقێ‌ دكه‌ین، ئه‌و ژی كه‌تنا حوكمرانیا رژێما به‌عس بو و ئه‌گه‌ر گرنگترین ئه‌نجامێن هه‌ڤكێشه‌یێن سیاسی یێن ژ ده‌ستپێكا ڤێ‌ قوناغێ‌ و تا نوكه‌ په‌یدا بوین وه‌ربگرین و پێگه‌یێ‌ كوردان ل سه‌ر وان هه‌ڤكێشه‌یان بهه‌لسه‌نگینین، دێ‌ ل به‌رامبه‌ری گه‌له‌ك خالان راوه‌ستین كو سه‌ركردایه‌تیا كوردی وه‌ك ده‌ستكه‌فت وه‌رگرتبون و نه‌شیان پارێزیێ‌ لێبكه‌ن، ده‌ستكه‌فتێن هه‌ره‌ گرنگ، ئه‌و ژی چه‌سپاندنا فیدرالیزمێ‌ و ماددێ‌ 140 د چه‌ند برگه‌یه‌كێن ده‌ستوری دا بون.

نه‌ پارێزیكرن ژی ژ ڤان ده‌ست كه‌فتان، د شێوازێ‌ پراكتیزه‌كرنا وان دا بویه‌ به‌رامبه‌ری وان هه‌می هه‌ڤكێشه‌یێن ئێك لدویڤ ئێك یێن دگوره‌پانا سیاسی یا عیراقێ‌ دا سه‌رهلداین و شاشی و كه‌مته‌رخه‌می و لاوازیا ئه‌دائا سیاسیێن كورد، د ململانا وان هه‌ڤركیان دا. راسته‌ ده‌ستكه‌فت هه‌بوینه‌ و راسته‌ ململانێ‌ و شه‌ر ل سه‌ر پاراستنا وان ده‌ستكه‌فتان یێ‌ خورت بویه‌، لێ‌ ئایا ئه‌ڤه‌ به‌سه‌ كو ئه‌م بێژین به‌لێ‌ مه‌ ل به‌غدا ده‌ستكه‌فت په‌یداكرینه‌، نه‌خێر، ژبه‌ركو ده‌ڤه‌رێن ڤه‌قه‌تیای وه‌ك خوه‌ نه‌ و ئه‌گه‌ر زڤرینا وان بزه‌حمه‌تر نه‌كه‌فتبیت ژی بهزرا من هیچ پێشكه‌فتن ژی بخو ڤه‌ نه‌ دیتی نه‌!

ئه‌ڤه‌ دده‌مه‌كی دا كاكلكا كێشه‌یێن مه‌ ژی زێده‌تر هه‌ر ژڤان ده‌ڤه‌ران جهێ‌ خوه‌ دگرن، ئه‌ڤه‌ ژبلی كو گه‌له‌ك كێشه‌یێن دی یێن مه‌ دگه‌ل به‌غدا هلاویستی ماینه‌ و كێشا پێشمه‌رگه‌ی و گازێ‌ و ئه‌ڤرو ده‌ما ئه‌م به‌حسێ‌ ڤان گورانكاریان دكه‌ین، ئه‌م ل به‌رامبه‌ر هه‌ڤركیه‌كا دی یا سیاسینه‌، هه‌ڤكێشه‌یه‌كا دی یا هاتیه‌ د گوره‌پانێ‌ دا دگه‌ل به‌غدا، ئه‌و ژی ڤه‌كێشانا په‌رله‌مانتار و وه‌زیرێن كورده‌، هه‌ر چه‌نده‌ گه‌له‌ك چاڤدێرێن سیاسی ته‌ئكیدێ‌ ل هه‌بون و مانا كوردان دكه‌ن ل به‌غدا و دبێژن كو شه‌ر و هه‌ڤكری و ململانێ‌ دڤێت ل وێرێ‌ بن و نه‌ بتنێ‌ شه‌رێ‌ راگه‌هاندنێ‌ و چولكرنا به‌روكێ‌ شه‌ری بیت. لێ‌ ئه‌ز ل وێ‌ باوه‌رێ‌ نینم ئه‌ڤ كێشمه‌كێشه‌ بخرابی بو كوردان ڤه‌گه‌ریت و دبیت بارێ‌ ئاسایی یێ‌ خو وه‌ربگریته‌ ڤه‌، لێ‌ ئه‌ڤه‌ به‌س نینه‌ كو ئه‌م بشێین پارێزگاریێ‌ ل ده‌ستكه‌فتێن خوه‌ ل به‌غدا بكه‌ین و ببینه‌ پارێزه‌رێن ده‌ڤه‌رێن ڤه‌قه‌تیایی و وان هه‌می كێشه‌یێن دی یێن هلاویستی.

دڤێت ئه‌م بیركرنه‌ڤه‌یێ‌ دهنده‌ك خالێن دی یێن گرنگ دا بكه‌ین كو ره‌نگه‌ دڤان هه‌ڤكێشه‌ییان دا ئه‌م جارێن بهێت و یێن بهێت ژی بكه‌ڤینه‌ كێشمه‌كێشمه‌یێن كویتر و مه‌زنتر، ئه‌و ژی ئه‌م دوو تشتان ژ ئێك جودابكه‌ین، سیاسه‌تا مه‌ ل هه‌رێمێ‌ ب ئوپوزسیون و ده‌ستهه‌لات ڤه‌ و بهه‌می ناكوكیێن خوه‌ ڤه‌ بدانینه‌ ئالیه‌كی و ل به‌غدا مه‌ بیركرنه‌ڤه‌یه‌كا دی و جوداتر هه‌بیت و ئه‌م هه‌ڤكری و ناكوكیێن خوه‌ ل به‌رامبه‌ری ده‌ستكه‌فتێن نه‌ته‌وه‌ی ب دانینه‌ ئالیه‌كی، هه‌ر چه‌نده‌ لیستا برایه‌تی و ئاشتی كو دێ‌ به‌شداری هه‌لبژارتنێن جڤاتێن پارێزگه‌هێن عیراقێ‌ بیت هه‌می ئالیێن سیاسی یێن كوردستانی ب ده‌سهه‌لات و ئوپوزسیون ڤه‌ تێدا نه‌ و ئه‌ڤه‌ ژی ئاماژه‌یه‌كا باشه‌ بو پارێزگاریكرنێ‌ ل ده‌ستكه‌فتێن مه‌ ل به‌غدا و ئه‌ڤ پێنگاڤه‌ یا دهێته‌ هاڤێتن و ئه‌ڤه‌ ژی پێگه‌یێ‌ كوردان ل به‌غدا قایم و بهێز دكه‌ت، لێ‌ ئه‌ڤه‌ بتنێ‌ به‌س نینه‌، دڤێت سیاسیێن مه‌، په‌رله‌مانتارێن مه‌ و وه‌زیرێن مه‌ ل به‌غدا نه‌ بتنێ‌ یاریكه‌رێن سیاسی بن ل هێلا به‌رگریكرنێ‌، به‌لكو یاریكه‌رێن سیاسی بن لهێلا هێرش برنێ‌ و ئه‌ڤه‌ ژی نابیت ئه‌گه‌ر لێپێچینه‌وه‌ دگه‌ل وان په‌رله‌مانتار و وه‌زیران و ئه‌دائا وان نه‌هێته‌ كرن و هه‌لسه‌نگاندن بو نه‌بیت و ئه‌ڤه‌ دده‌مه‌كی دا، تا نوكه‌ ژی مه‌ گوهـ لێنه‌بویه‌، ئێك وه‌زیر یان په‌رله‌مانتار ژبه‌ر كه‌مته‌رخه‌می و لاوازیا ئه‌دائێ‌ وی هاتبیته‌ گوهورین یان گازیكرن.

عبدالرحمن بامه‌رنی

 

Previous
Next

Leave a Reply