Skip to Content

Friday, March 29th, 2024
پووكانه‌وه‌ … ستارئەحمەد

پووكانه‌وه‌ … ستارئەحمەد

Closed
by July 6, 2012 هۆنراوە

 

 

 

 

 

 

له‌ تاریكی مه‌دوێ

شه‌وه‌كان له‌ بێزاربوونتا ده‌له‌رزن

روانگه‌ت ژوانگه‌كان به‌دڵ ده‌پێچێته‌وه‌

ژاڵه‌یه‌كی رۆخی لوتكه‌یه‌كی سیای

بیرۆكه‌ی عه‌شقێك په‌روه‌رده‌ی كردی

له‌ به‌هاری دیمه‌نا

به‌سه‌ر شه‌ماڵدا هه‌ڵیانوه‌راندی

له‌ گه‌رمه‌ی سه‌رچۆپی كۆڕاڵی فڕینا

كوێستانت جێهێڵا

ترێیه‌ك نه‌بووه‌ گلێنه‌ت

گه‌ڵای سێوێك برۆی كچێنیتی نه‌ماڵی

بۆ له‌ چركه‌ی یه‌كتر ژانێكا

به‌ سمێڵی پیاوه‌تی ئه‌و ركێف كرایت

به‌ ژه‌هری وته‌ی زه‌ردباوی

كۆمه‌ڵێك خولیا

تاڤگه‌یه‌ك سۆز

ده‌ریایه‌ك رێز

وڵاتێك سه‌ربه‌رزی

پایته‌ختێك له‌ خۆزگه‌و

به‌هه‌شتێك ژوانگه‌ت كوێر كرده‌وه‌

تكات لێناكه‌م

له‌ پاڵ سێبه‌ری شكاو ,

دره‌ختی كرمێ ,

لارێتی ته‌فره‌دا

چاوه‌كانت به‌ پێڵووی برین دامه‌خه‌

تۆ دیووته‌

بۆشاییه‌ك له‌ نزمی

بانێژه‌یه‌ك له‌ خۆزگه‌

سه‌فه‌رێك له‌ به‌دینه‌هاتن

له‌ چرۆی ئه‌ستێره‌یه‌كا

چۆن ده‌خزێ بۆ لوتكه‌ی سینه‌ت ,

له‌ تاریكستانی بۆچوونتا

بوونت بۆ چاره‌نووسی توانه‌وه‌ده‌برێ

ته‌مه‌نت به‌ره‌و گۆڕستانی پووكانه‌وه‌

گه‌ردنت ده‌گرێ

 

 

Previous
Next
This site is registered on wpml.org as a development site.