Skip to Content

Tuesday, January 26th, 2021

پێلوی ئاو … سیروان خۆشناو

Be First!
by November 21, 2012 هۆنراوە

 

 

 

1

تاریکه‌ ئاسمان 

هێشتا سێبه‌ر 

شریته‌کانی خۆی نه‌پێچاوه‌ته‌وه‌ 

ئه‌مه‌وێت 

شه‌به‌نگ موتربه‌ی شه‌وه‌زه‌نگ بکه‌م 

تا باڵای کورت ببێته‌وه‌ 

زه‌نوێری به‌یانیه‌ک 

زایه‌له‌ی ئاو

سوک سوک به‌ خه‌به‌رم بێنێته‌وه‌ 

 

 

2

کڵاورۆژنه‌ی خه‌یاڵم 

کپ 

که‌شه‌نگ 

هێشتا ده‌ڵاقه‌یه‌کی نه‌دۆزیوه‌ته‌وه‌ 

تا پێیه‌کانم 

چه‌شنی هه‌تاو 

له‌ روویدا گیربن و

حه‌رفه‌ گه‌وهه‌ریه‌کانی دڵم 

له‌سه‌ر لاپه‌ری گولێک بنووسمه‌وه‌ 

 

3

لێره‌ ده‌سته‌کانم 

پێڵوی ئاو ماچ ده‌که‌ن 

هه‌ناسه‌کانیشم 

له‌ قوڵاییدا 

به‌ نێو سێبه‌ری دارێکدا 

گوزه‌ر ده‌که‌ن 

له‌ ناو له‌پی فه‌زا

ته‌کیه‌یه‌ک شک نابه‌م 

نزا 

بۆ لێکترازانی رۆح و جه‌سته‌م بکه‌م 

 

سیروان خۆشناو

 

Previous
Next

Leave a Reply