Skip to Content

Sunday, September 20th, 2020

چوومەوە پایز …. جه‌لال به‌رزنجی

Comments
by October 22, 2008 ئەدەب

 چوومەوە پایز                                     
                                        
 جەلال بەرزنجی
 كەنەدا
       2008
 
                                                           
 
  چوویمەوە پایز ,
  تا لێی بژێم .                          
 دڵنیا نیم ,                                                      
 ئێوەش دەتوانن بگەڕێنەوە و لێی بمێنەوە ؟               
  ئەو  شەش رۆژەی ماڵم هێناوەتەوە پایز ,           
 شەوان  بە دڵنیای  دەخەوم .
 بەیانیانیش ,                                                                                            
  زوو لە خەو رادەبم ,                     
 تا  لە نزیكەوە ,
  نائومێدی درەختی گەڵا لێ وەریو بنووسمەوە !  
 من بۆیە هاتومەتەوە پایز,                             
 تا بە جوانی راهێنان لە سەر,                         
 ِگێڕانەوەی  سەروەری  بۆ وشە بكەم !
  من لە پایزم,        
 بۆ داكۆكی كردن لە ژیان .
 
 
 
                              
 لە پایزم ,
 بۆ بەرەو پێشەوە بردنی رامان  !
 لە پایزم ,  
 بۆ كەم كردنەوەی گۆشەگیری ,                
 پەنجەرە بڵندو تەنیاكان !                     
 لێرە ,                                                           
 لە پایز ,                                                        
  بەیانیان شۆڕ دەبمەوە ناو باخچەی وشەكانم ,
 بۆ ئەوەی بزانم بەری میوەی ,                         
 ئەو خەونانەی پار چاند بوو من ,                    
  پێگەیوون ؟
 لە پایزم ,
 بۆ ئەوەی بە یەكجاری لەگەڵ خۆم ئاشت ببمەوە .                                                   
 
 ————————-

ئەم شیعرە لە ژمارەی  28 گۆڤاری هەتاوی مانگی 7 -2008 بڵاكراوەتەوە    
 

Previous
Next

Leave a Reply