Skip to Content

Sunday, May 9th, 2021

کورته‌ چیرۆکی پاییزێک …. به‌ندی عه‌لی

Be First!
by November 4, 2009 هۆنراوە

 .. سیپتێمبه‌ری 2009

 

هه‌تاو ، گڵۆپێکی زه‌رده‌
به‌ڕایه‌ڵی ئاسمانه‌وه‌
با ، گۆرانیه‌ خه‌مباره‌کان ده‌ڵێته‌وه‌
دره‌ختێکی مات و مه‌لوول
ژێرکراسی گه‌ڵای داکه‌ند
نه‌رمه‌بارانی هه‌لپه‌رست
دڵۆپ دڵۆپ
وه‌ک هه‌وه‌سبازێکی سادی
بست به‌بستی گیانی ماچ کرد
ئه‌ویش هه‌ڵکوڕما ، له‌شه‌رماو
هه‌موو زستان
له‌ژێر لێفه‌ی نه‌رمی به‌فرا
خه‌وی لێکه‌وت
تاکو دیسان به‌هار هات و
وه‌ک شۆڕه‌سوارێکی ئازای
چیرۆکه‌ ئه‌فسانه‌ییه‌کان
کراسێکی سه‌وزی تری کرده‌به‌ری و
به‌ماچێکی پڕ ئه‌وین له‌خه‌وی هه‌ڵسان
 

 

Previous
Next

Leave a Reply