گــــــــــــــــــۆڵ …. عه‌لی حه‌مه‌ڕه‌شید به‌رزنجی

یاری  زانی  گورج  وگـــــــۆڵ

بۆ   تۆماركردنی      گــــــۆڵ

ده‌كــــه‌وێته‌   جمو  جـــــۆڵ

به‌زوویی  ده‌یكات  به‌ گـــۆڵ

كاتێك  كه‌شوت  لێ  ده‌دات

هانده‌ران  دڵخۆش  ده‌كــات

یاریزانی    هێرش  بـــــــه‌ر

له‌مسه‌ر  ده‌چێت  بۆ  ئه‌و  سه‌ر

به‌پاسی   هاوڕێكــــــــــانی

گۆڵ  ده‌كات  به‌  ئاســــــانی

به‌ پاسات و  هاوكــــــــاری

سه‌ركـــــه‌وتوو  ده‌بێت  یاری

كه‌  بوو  بـــه‌  گۆڵ  هانده‌ران

به‌ خـــــۆشی و چه‌پڵه‌  ڕێزان

هاوار  ده‌كــــه‌ن   هه‌ر  هه‌موو

هێی هێی هێی  گــــــــۆڵ بوو