Skip to Content

Thursday, January 21st, 2021

گه‌ران له‌ دوو كه‌وانه‌دا

Be First!
by May 27, 2013 هۆنراوە

 

 

 

 

له‌ كوێی ئه‌و شاره‌ چه‌ماوه‌ و ردێن به‌فرینه‌ جوانه‌دا 

بتدۆزمه‌وه‌ ..؟.

به‌ كام دركه‌زێی هاتنما 

ده‌ست به‌ سه‌ره‌تاوه‌ بگرم 

تا بتگه‌مێ‌ 

له‌ په‌نای چ سێبه‌رێكی نارنجیتا 

له‌ به‌ره‌بابی گۆدۆ بن ..؟.

دڵی باخچه‌ ..

له‌وه‌ته‌ی ئه‌سپی ئاورزه‌نگیت پرمه‌ی دێت و 

به‌م دیووی كه‌ژی ئۆقره‌تا سمكۆڵانی سه‌فه‌رێكی 

ئه‌فسانه‌یی ، له‌ ته‌پ و تۆزدا وون ده‌كه‌ی 

نامبینیت و .. وا به‌رێوه‌م 

ده‌مبینیت و له‌ دوو كه‌وانه‌ی شه‌رابیی

ماجه‌رای موگناتیسیدا 

ساده‌تر بارگاوی ده‌بین 

تا خاڵی بینه‌وه‌ له‌ مه‌رگ 

لێوان لێو بین له‌ دیباچه‌ی سه‌رگوزه‌شته‌كانی 

دوای بارین 

هه‌ناسه‌ی باخ ..

ئاسۆش نه‌بێت ده‌توانی برژێیته‌ كه‌ل و 

له‌و دیوو گلێنه‌وه‌ هه‌ڵبێی 

با نه‌مبه‌خشیت و .. نه‌تبینم 

خۆ عه‌شقێكی پاكیزه‌یی ناو جه‌نگه‌ڵی پیته‌كانمی

شه‌پۆلی باڵتم ده‌ده‌یتێ‌ و 

وشه‌كانم له‌ خوماریتا ده‌پشكوون 

تۆش دڵره‌قانه‌ له‌ مندا 

رۆژمێری په‌پووله‌كان شیله‌ پرژێن ده‌كه‌ی جار جار 

ئیتر ملی داكشانێكی مۆر ده‌گری 

به‌ره‌و گه‌وره‌یی و ئاوابوون 

                                                                    24/5/2013

 

 

 

 

Previous
Next

Leave a Reply