Skip to Content

Thursday, March 28th, 2024
گڕی ئاشووب…..به‌ندی عه‌لی

گڕی ئاشووب…..به‌ندی عه‌لی

Closed
by May 8, 2009 ئەدەب

به‌ندی عه‌لی .. به‌هاری 2009

گڕی ئاشووب

تیره‌ برژانگێکی ده‌رباز
له‌که‌وانی
برۆی ڕاوچیه‌کی به‌ناز
کۆتره‌ شینکه‌ی دڵمی پێکا
هه‌رچه‌نده‌ خۆی
شه‌ڵاڵی شه‌ونمی حه‌زبوو 
وه‌لێ حه‌یفێ
به‌پرژه‌ عه‌تری ماچێکی
لێوی ووشکی نه‌خوساندم
له‌قومێکا

 به‌له‌نجه‌و لاری بێباکی
وه‌ک سروه‌بایه‌کی سه‌حه‌ر
هات و به‌لاما تێپه‌ڕی
به‌جێی هێشتم به‌زامه‌وه‌
ئاوڕێکی لێ نه‌دامه‌وه‌
نه‌فره‌ت له‌میهری بێ فه‌ڕی
 ئه‌و فیتنه‌بازی عه‌ییاره‌
پریشکی گڕی ئاشووبه‌
خوایه‌ لامانده‌ی له‌شه‌ڕی

 

Previous
Next
This site is registered on wpml.org as a development site.