Skip to Content

Saturday, September 19th, 2020

یاداشتى بەفر …. حەمە سەعید كەلارى

Comment
by January 29, 2008 ئەدەب

 شنروىَ
 رەچەڵەكى دچێتەوە سەر ئاگر و
 یاداشتى بەفر دەنووسێتەوە
  كۆچ و خوێن
 خوێن و غەزا
 *
 شنروىَ
 بە ناخى گڕ و
 كەللەى بەفرین و
 چاوى گومانەوە
 پەیامى سوڵتان دەخوێنێتەوە
 *
 شنروىَ
 بەرائەتى پێدەشت وشاخ
 تاوتوىَ دەكا
 بەرائەتێك لەسەر پەلكى شەرمى تەڕى
 رەشە گوێزێكى بێوەژن
 بەقەد پرچى شۆڕەبیەكى قەیرەوە
 هەڵواسراوە
  یاداشتێكە نووسراوە :
 لە شەوێكى قەترانیدا كىَ وەك ئێمە
 پەى بەسووتانى كشانى هەزاران هەسێرە دەبا
 *
 شنروىَ هەزاران مانگە
 لە باوەشى " هەزار مێردا "
 لەبەر رووناكى مۆمێكى نیوە گیانا
 شەوى درێژى تەمەنى بەسەر دەبا
 بیرەوەرى موغەیەكى
 پیر
 نوورانى
 ئەزبەر دەكا
 نەْ   ، ببورن بیرەوەرى نەبوو
 یاداشت  یاداشت نەبوو ،
 مێژویەك بوو
 دەیان سەدە
 دەیان مانگە
 دەیان رۆژە بەر لە ئەمڕۆ
  نااااا ، دەڵیىَ دوێنىَ روویداوە  ،
  وا نووسراوە :
 لەم دەڤەرە حەرامەدا
 گەلە كەڵێك
 رەوە ئاسكێك
 بریقەى شمشێر هەڵى بڕین
 بەدەم راوە
 لە تەك ئیقاعى ترپەى دڵ
 بەدایەلۆگى مەرگ و مسك
 بەقاقاى خوێن كۆچیان كرد و
 بە خامۆشى گڕى لوتكە
 كۆتاى بەو دیرۆكە هات و
 هەر نەهات
 دیرۆكێك بوو
 بە نووكى تیژى شاخى كەڵ
 لەسەر پێستى كارمەزێك نووسرابوو
 (( بەپێى ئایەتى ئاگر و
 لە بەر رۆشنایى بەرائەتى " مەریەم "و
   ""لكم دینكم ولى دین ""
 ئێمە هەموو پڕ گوناهین
              —-
 

Previous
Next

Leave a Reply