Skip to Content

Thursday, March 28th, 2024
یادی هەڵەبجە….. هێرۆ مەولوودی

یادی هەڵەبجە….. هێرۆ مەولوودی

Closed
by March 14, 2008 ئەدەب

 ئاسمان
 ئەمرۆ بە تەمە، هەوری بارانی هەیە
 زەوى
 دڵی پڕ ماتەمە و مەیلی گریانی هەیە
 شارەزوور
 ئەی دایكە قژ سووتاوەكەم
 لە مێژە
 خوێنت
 دڵی رێبوارانی دەشتی قاقر دادەخورپێنێ
 ئەستێرەى رزگاریت
 لە پشت پرچی ئاڵۆزاوی كیژانت خۆ دەنوێنێ.
 بۆ تاساوى؟!
 شەو شینی رۆژ دەگێرێ
 كراسە رەشەكەی بەرى
 بە ئەستێرە گەشەكانی ئاسمان دەنەخشێ.
 پێم بڵێ
 ئەم شەو ئەستێرەكان بۆ وا كزن؟
 مانگ بۆ هۆرەی تەنیایی دەچڕێ؟
 چیاكان بۆ رومەتیان داڕنیوە؟
 شەقامەكان بۆ وا كپن؟
 شەو زرینگاوە
 بەڵام دڵ ناسرەوێ
 لە ژێر تیشكى تاوێنەرى مانگ
 لە سەر تەختی خەیاڵ خۆ رادەكێشێ
 هێور هێور
 چاوەكانی دەبەستێ و
 خەونی رێبوارێك دەبینێ.
 رێبوارەكە
 _كوردستانە_
 بۆ خنكانی
 _هەڵەبجەی _سووتاو
 وەكو گڕكان
 بە سەر سیمای نەیاراندا
 ئاگر دەپڕژێنێ.
 
 
 
gelarezan@yahoo.com
 
 

Previous
Next
This site is registered on wpml.org as a development site.