Skip to Content

Thursday, March 28th, 2024
ئێمە..!! …. بایز موستەفا

ئێمە..!! …. بایز موستەفا

Closed
by January 29, 2014 هۆنراوە

 

 

 

 

ئێمە ،

بەچەی زەمانێک بووین

هەتا گوڵێکمان دەچاند ،

دەبوایە ،چەندین مرۆڤ بنێژین !

لەم چەند و چونی ،چاندن و ناشتنەدا

نەوەی ئێمە ، لە نەستەوە

باوەڕی بە زیندوبوونەوەیە 

    ****    ****    ****

ئێمە ،

دوو گوڵەگەنمی ،

بەجێماوی دوای دروێنە بووین

بەدەم سەیرکردنی یەکترەوە

زەرد هەڵگەڕاین 

بۆیە ئێستاش 

خۆشی لە ئازاری ،

چاوەڕوانیدا دەبینم !

    ****    ****    ****

ئێمە ،

هەنگاوەکانی تەمەنی گەنجیمان

لەگەڵ چرکەچرکی

کاتژمێری هەژاریدا ڕۆیشت

حەیف ،

نە ئەویان ئیستێکی کرد و

نە ئەمیان بۆ ساتێک وەستا .

Previous
Next
This site is registered on wpml.org as a development site.