Skip to Content

Friday, March 29th, 2024
ئێوارانێكی به‌ر قه‌لات …  فاتیح سه‌لام

ئێوارانێكی به‌ر قه‌لات … فاتیح سه‌لام

Closed
by January 20, 2013 ئەدەب

 

 

 

وه‌ك كۆتره‌كانی به‌ر پاركی ئێوارانی له‌نجه‌ی قه‌ڵا

گمه‌ی ووشه‌ت به‌ مناره‌دا هه‌ڵده‌زنێ‌ و

چه‌ند پیتێكی ده‌نووك سووریان 

ده‌بنه‌ قۆپچه‌ی ئه‌و پاڵتۆیه‌ی 

شه‌ری سه‌فه‌ری زستان و 

میوانداری به‌فرم پێكرد 

له‌ سه‌نگه‌ری كاڵبوونه‌وه‌ی قاقای زه‌ردی خۆرنشینا 

سێ‌ ووشه‌شیان ،.. ئه‌ی هه‌وره‌ ژن

چه‌ترێكم بۆ دروست ده‌كه‌ن

كاتێ‌ لێزه‌مه‌ خۆشناكا و

من ده‌گه‌رێم له‌ كیشوه‌ری نه‌دۆزراوه‌ی كۆلۆمبس و

تۆ به‌ ته‌كان سووتانی به‌فر ده‌شێلی 

به‌ جه‌سته‌یه‌كی دوو له‌تی ئه‌و دیوو كڵۆمی نزاوه‌ 

له‌ ئاره‌قه‌دا مۆر ده‌بی

ئه‌هریمه‌ن لێوت ده‌مژێ‌ و 

خه‌و شه‌قته‌كا  له‌ نێوانی 

سپێده‌یه‌ك بڵقی خوێنی ئه‌زنه‌ك ده‌دا و 

باڵه‌فره‌ی چۆله‌كه‌كانی غه‌ریبیم

كه‌ له‌ تۆدا هێلانه‌یان چێكردووه‌ 

تۆش دره‌ختێكی په‌ل گرتووی 

دۆزینه‌وه‌ی …..نیشتمانی 

                                                              19/1/2013

 

 

 

 

Previous
Next
This site is registered on wpml.org as a development site.