Skip to Content

Friday, March 29th, 2024
باسی مردن … به‌ندی عه‌لی

باسی مردن … به‌ندی عه‌لی

Closed
by November 20, 2011 ئەدەب

زۆر به‌ده‌گمه‌ن
ئه‌بێته‌ میوانی خه‌یاڵ
به‌ڵام که‌دێ
سه‌عاته‌ تۆزاویه‌که‌ی زه‌مه‌ن
له‌سه‌ر خاڵی سفری عه‌ده‌م
ڕائه‌وه‌ستێ و
ده‌روێشه‌ جرپنه‌که‌ی دڵیش
ده‌ف ناژه‌نێ
گوڵیش ڕه‌نگی له‌به‌ر ئه‌بڕێ و
په‌پووله‌ به‌بۆن ئه‌که‌وێ
پاساریه‌ چه‌نه‌بازه‌کانی زینده‌گیش
هه‌ڵئه‌کوڕمێن و لاڵ ئه‌بن
له‌وساته‌یا
لێوم ئه‌بێ به‌بیابان
ئه‌و ، به‌قومێ شه‌رابی تاڵ
زۆر به‌ده‌گمه‌ن
ئه‌بێته‌ میوانی خه‌یاڵ
به‌ڵام که‌دێ
من ئه‌بمه‌ میوان و ئه‌ویش
به‌خاوه‌ن ماڵ

Previous
Next
This site is registered on wpml.org as a development site.