Skip to Content

Thursday, March 28th, 2024
به‌ڵێنه‌کان…….به‌ندی عه‌لی

به‌ڵێنه‌کان…….به‌ندی عه‌لی

Closed
by July 27, 2009 هۆنراوە

       به‌ندی عه‌لی .. هاوینی 2009       

 

به‌ر له‌ده‌نگدان
 له‌کۆمه‌ڵێ ئاسک ده‌چن
شۆخ و شه‌نگ و
گورج و گۆڵ و
سرک و جرپن

پاش له‌ده‌نگدان
دێزو ده‌به‌نگ
خلیچک و خاو
قورس و ته‌مبه‌ڵ
له‌هیچ شتێکی تر ناچن
غه‌یری کیسه‌ڵ

به‌ر له‌ده‌نگدان
کولله‌ ده‌بێت به‌په‌پووله‌
داڵ خۆی ده‌کات به‌ڕیشۆڵه‌
پڵنگ ده‌بێت به‌پشیله‌
شێر خۆی ده‌کات به‌سمۆره‌و
تیمساح ، به‌بۆق
ماریش ده‌بێت به‌مێرووله‌
 
پاش له‌ده‌نگدان
سه‌هۆڵ ده‌بێت به‌ئاگرو
زیخ ، به‌شاخ و
پوش ، به‌دڕک و
ته‌م ، به‌سه‌رپۆش
بازنگ ده‌بێت به‌که‌له‌بچه‌و
گواره‌ش ده‌بێت به‌قولاپ و
لۆکه‌ ، به‌ئاسنی حه‌وجۆش
نیشتیمانیش
ده‌بێت به‌سوچی مه‌یخانه‌و
ژیان به‌پێکێ شه‌راب و
مێژوو ، به‌پیرێکی سه‌رخۆش

 

Previous
Next
This site is registered on wpml.org as a development site.