Skip to Content

Friday, March 29th, 2024
بڕۆ بنوو …. حیات مجید په‌رخی

بڕۆ بنوو …. حیات مجید په‌رخی

Closed
by May 5, 2012 هۆنراوە

 

 

برۆ بنوو له‌ دووتوێێ کتێبیکدا
ئارامتره‌ له‌ باوه‌شم           
له‌ناو ئینجانه‌یه‌کدا بنوو       
له‌ بۆنی خاک بیبه‌ش نابی   
له‌ ناو له‌پی گه‌ڵایه‌کدا بنوو  
ئاورنگه‌که‌ی ته‌ڕت ئه‌کا   
له‌ناو پیاله‌یه‌ک مه‌ی دا بنوو
به‌ هێمنی مه‌ستت ئه‌کا    
له‌سه‌ر دڵی شه‌پۆل بنوو   
به‌ که‌یفی خۆت ئه‌تلاوێنێ
له‌ ژێر تریفه‌ی مانگدا بنوو
به‌ نوری خۆی ئه‌تشواته‌وه‌
له‌ ناو مه‌ڵۆیه‌کدا بنوو    
له‌ به‌ره‌که‌تی گوڵه‌گه‌نم   
بیبه‌ش نابی                
له‌سه‌ر باڵی نه‌وڕسێک بنوو
به‌ ئه‌سپایی له‌سه‌ر ده‌نوکی 
ئه‌نوسم خۆشمئه‌وی         
له‌ هه‌ر شوێنێکی ئه‌م دونیایه‌دا 
بنوویی له‌ باوه‌شی من گه‌رمتره‌
باوه‌شم یه‌کپارچه‌ شه‌خته‌یه‌   
له‌ توانه‌وه‌ی په‌شیمان نیم
له‌ خنکانی تۆ ئه‌ترسم  

Previous
Next
This site is registered on wpml.org as a development site.