Skip to Content

Thursday, March 28th, 2024
ترس و پرسیار ….  فەتاح حەسەن

ترس و پرسیار …. فەتاح حەسەن

Closed
by November 11, 2013 هۆنراوە

 

 

 

 

وەك بارانی بەهارانە

نم نم..

تاوە ناتاوێك

بەکەناری رۆحمدا دادەبارێی.

کەی، دەبیتە پایزە باران و

لێزمە دەکەی.. ؟

کە، نابارێی

کۆترەکانی رۆحیشم ناگمێنن.

زۆر دەترسم هەر نەبارێی.

ئا ئەو ساتە

کۆترەکانیش تەرە دەبن

تەنها دەبم.

خۆ دەزانی ئەی خانمەکەم

تەنهاییش چەند کوشندەیە!

 ***                                          

نامۆیی چە قۆیەکی کولە

جەستە و ناخم

توێ توێ دەکا.

تەنهایش بۆتە هەسان و

ناو بە ناوێك..

ئەو چەقۆ کولە تیژ دەکا.

ناخم و چە قۆی کول

جەستەم و چەقۆی تیژ

بونەتە بازنەیەك و

سەرەتاکەی نامۆییەو

کۆتاییەکەی تەنهاییە.

کێ دەزانێت

کامیان زامیان بە سوێترە

نامۆیی

یاخود

تەنهایی ؟؟

 

  فەتاح حەسەن   

دانیمارك/ ڤالبی           

 

 

 

 

 

Previous
Next
This site is registered on wpml.org as a development site.