جەدوەلى زەڕب … نەوزاد بەندى
Closed
بە منداڵى ..
یەکەم تۆپیان بۆ کڕیم و
بە قەراغى قەڵەوێرەکە دڕا ..
ئیتر سیقەم بە دنیا نەما ..
باوکم چەند هەوڵى دا ،
بۆمانى بدوورێتەوە ،
سوودى نەبوو ..
کردمان بە دوو لەتى یەکسانەوە ،
بە دوو کڵاو ..
ئیتر سیقەم بە دنیا نەما …
یەکەم خەونم نەهاتە دى ،
پاسکیلێکى سێ چەرخە بوو ..
یەکەم شیعرم ، بۆ بڵاوکردنەوە نەشیا ..
متمانەم بە دنیا نەما ..
کە بەیانیان ،
جل و بەرگ لەبەر ئەکەین و
پێڵاوەکانمان سوبغ ئەکەین ،
شیعرمان لە یاد ئەچێت و
لە مەدخەلى ماڵەکەمان ،
لەبەرامبەر فڵچەى پێڵاو ،
ج ێ ی ئە ه ێ ڵ ی ن
کە ئێواران ،
سآ – چوار مەنجەڵ خواردەمەنى ،
لە مەتبەخ بەتاڵ ئەکەین و
بە چیلکەیەک
ئەکەوینە وێزەى درزى ددانەکانمان ،
شیعرمان لە یاد ئەچێت و
لەبەرامبەر مەسینەکەى
دەبلیو سی ..ج ێ ی ئە ه ێ ڵ ی ن..
ئیتر سیقەم چۆن ئەمێنێ ؟؟