Skip to Content

Friday, March 29th, 2024
ده‌روازه‌یه‌ك له‌ خه‌زان

ده‌روازه‌یه‌ك له‌ خه‌زان

Closed
by July 24, 2012 هۆنراوە

 

 

 

ئارامییه‌ك خامۆشی بكاته‌ چرای هێور بوونه‌وه‌

ئیتر گومان له‌ دڵی تاریكیدا وردو خاش ده‌بێت

تۆپه‌ڵێك ترس له‌ بارانی حه‌سره‌تی دڵنه‌واییدا ده‌توێته‌وه‌

چاوه‌ڕوانی بۆ سێبه‌ری ئالووده‌ بوون سه‌رهه‌ڵدگرێ

دونیایه‌ك له‌ خرۆشان هه‌ساره‌ی خۆشنوودی داده‌گیرسێنن

چركه‌یه‌ك له‌به‌خت خواسته‌كان ده‌كاته‌ توێشووی سه‌فه‌ر

گوزه‌ر به‌ركی هه‌وارگه‌كان ده‌گرێ

رێگایه‌ك له‌ پاكبوونه‌وه‌ سه‌رده‌كا به‌ ویژدانی ته‌مه‌نا

گۆڕێك له‌ گرۆی خاك، ده‌روازه‌یه‌ك له‌ خه‌زان ئه‌دوورێ

شه‌وێكی ئاڵ ئاوێزان له‌ ساردی

پڕاوپڕ له‌به‌فری نوێبوونه‌وه‌

گه‌ڵاكان ده‌كه‌نه‌ كفن‌و به‌ مه‌رگی چۆله‌كه‌یه‌ك خاو ده‌بنه‌وه‌

به‌ره‌و ژاكان 

بۆ سه‌هه‌ندی ئه‌و لوتكانه‌ی چمكی ئاو ده‌گرن

كه‌نارێك له‌ داخزان ده‌كه‌نه‌ چه‌تر،

له‌ لێواری ژوانگه‌یه‌كدا، هه‌ساره‌ی خۆزگه‌

به‌ره‌و ئاسمانی ساته‌ سووره‌كان هه‌ڵده‌بژێرن

ته‌مێك له‌ سه‌راب، گولله‌یه‌ك بروسكه‌ ده‌هاوێژێ

شنه‌ی سروه‌یه‌ك، سنگی گوڵه‌كان ده‌كاته‌وه‌

بۆیه‌ هه‌ر شه‌وه‌ی خۆرێك له‌ جه‌رگی هه‌ورا ده‌كوژرێ

نیگارێك له‌ سیمای دڵنه‌وازێكدا ئه‌دره‌وشێته‌وه‌

بۆ خچه‌یه‌ك راز له‌ گرێی بووندا ده‌كرێته‌وه‌

بۆ نوغرۆ بوونی شه‌لالی عه‌شق‌و رۆچوونی دڵه‌كان

شه‌وانه‌ تاریكی له‌ په‌نجه‌ره‌ی ده‌روونم ده‌ئاڵێ

گۆرانی فه‌نابوون، یه‌خه‌ی خه‌واڵوبوونی شه‌و به‌سه‌ر ده‌كاته‌وه‌

به‌ كراسی هه‌ور به‌رچنه‌یه‌ك له‌ ئه‌ستێره‌ كۆئه‌كه‌مه‌وه‌

له‌ودیوی نووری په‌ری رازه‌وه‌

ده‌سكه‌نه‌ی شیعرو

له‌باربردنی تیشكه‌ نیگای خۆر ده‌كه‌م

مشتێك له‌ گڵه‌ زه‌رده‌ی به‌یداخی شاخ.. له‌ سه‌حرا ده‌نێژم

گوڵه‌ ئه‌ستێره‌ی هه‌ودا بوون.. له‌ نامۆییدا ده‌ڕوێنم

به‌قه‌د ته‌نیایی ژووره‌كه‌م

تاریكستانی كووچه‌و

بێده‌نگی شاره‌كه‌م

له‌شه‌قامی ترسا راز كۆ ده‌كه‌مه‌وه‌

له‌ وردبوونی خۆم

تووانه‌وه‌ی تۆ و

داڕزانی هه‌ست‌و

شكانی سێبه‌ری سروشتا بۆ سره‌وتن غلۆر ده‌بمه‌وه‌

خه‌وێكی تاڵ

خه‌ونێكی قه‌ترانی

سه‌رینێكی فرمێسك نۆش‌و

یه‌رگێكی ته‌ماوی

رایه‌خێكی داڕزاو

به‌ دونیای بێهۆشیم ده‌سپێرن

چڵ به‌ چڵ بولبولی بێ نه‌غمه‌ی ئاودیو بوون

له‌ رۆحما ده‌نوێ

ده‌ماره‌كانم له‌ كاسه‌ی مێشكما

به‌ ئالووده‌یی تۆوه‌ ده‌مرن

 

Previous
Next
This site is registered on wpml.org as a development site.