Skip to Content

Thursday, March 28th, 2024
ساڵی تەمەن …. باوکی دوین

ساڵی تەمەن …. باوکی دوین

Closed
by January 1, 2013 هۆنراوە

 

 

 

چەندین ساڵە

دڵم تەنیا

ڕازەکانم

کۆرپەیەکن

بێ گڕوگاڵ

چەندین ساڵە

یادەکانت

لە نێو ذڵمە 

پەیوەستە

باخت بێ بەر

دەڤەر نەبوو

دەریای غوربەت

باسی خەمت

بڵێتەو

دەڤەرنەبوو 

هاواری زەنگ

پەستەڵەکی  

خامۆشیی دەنگ

ببەزێنێ 

نە هۆنراوەی

زمانی حال

باسی دەردەسەری دەکات

نە زۆبانی بێ هەست و ڵاڵ

هاواری  زار

دەلەرزێنێ

چاوەکانم 

نزای تۆیە

شیوەی بوکی دەریا

باسی فرمێسک دەڵێتەوە

لە بێ وزەی بەهاری تۆ

قایل نەبووم

بەڵام چیبکەم

لە بەردەم خەمەکانتە

هیچم پێ ناکرێ

هێشتا وردیلەی 

دەریای خەون

دەربەدەرە

ئەوەم بەسە

چرایەکی ژوانی  نوێ

لەبەردەم نیگاتە

هەڵگرم

رۆژەکانی یادی تەمەن

لە چاوێلکەی غوربەتی شەو

وون دەبێ و ئەتوێتەوە

لە جێای قاوەخانەیەک

بیر لە دورێت دەکەمەوە

ئەی کیژۆڵەی چاوی باران

ڕێی تەنیایی  تاریک بووە

جارێک وەرە

ڕەگی دڵ ئاودەرەوە

بۆ کوێ دەڕۆی

لەگەڵ خۆتە

بمکە گۆشەی 

لاپەەرەیەک

تا خۆزگەکانم بگاتە

جێگای خەونتان

لە دوورەوە

 گوێم لە هاژەی دەریایەکە

بوونی خەیاڵ

شوێنپێی دەگرێ 

رێژەی هاژەی  دەریا 

لەدەریاتە

جێگیردەبێ 

چەندین ساڵە

تەمەن دوەڕوا

ڕۆژیك دەریا 

ڕۆژێک رووبار

دەڕژێنە سەر

گڕی هاوار

کێ بێ

فرمێسک  لە چاوانی

پڕ لەتەمەن

بسرێتەوە

هێشتا گردی مامە یارە

هەر ئاوارەو

دوور لەیارە

کەی بێت 

 دەروازەی دەنگ

کۆڵی هۆنراوە هەڵڕێژێ

لە گەڵ سەمای ڕەشەبادا

یادی  خەون بدرکێنێ

لە جێگای قاوەخانەیەکدا

باسی رۆژانی جەور

بۆ ماڵی سارد دەڵێمەوە

ژانی خەمی  لانەوازان 

لە نێو دڵمە

ئەتلێتەوە

لە ئێوارەیەک دەپرسم

هێشتا وڵات 

 جێی دراوی 

 جانتای

وورگی بێ خەمە 

 

 

 

 

 

Previous
Next
This site is registered on wpml.org as a development site.