Skip to Content

Thursday, March 28th, 2024
سه‌رابی بێده‌نگیت

سه‌رابی بێده‌نگیت

Closed
by August 7, 2008 هۆنراوە

 
 
 هه‌رچه‌ند ڕامام
 له‌نهێنیت نه‌گه‌یشتم..
 هه‌رچه‌ند هه‌وڵمدا
 به‌دیدارت نه‌گه‌یشتم..
 له‌گه‌ڵ هه‌ر هه‌نگاوێ
 ته‌مه‌نم كورتتر و
 غه‌مم قووڵتر ئه‌بوو..
 ڕازی بێده‌نگیت
 لای من
 سه‌یرتر ئه‌بوو
 بێده‌نگی نه‌ئه‌بینی
 چاوانم
 ئه‌گینا ده‌یكوشت
 ده‌ستانم..
 سات بۆ سات
 منت غه‌مبارتر ئه‌كرد..
 سات بۆ سات
 منت له‌ناو ئه‌برد..
 خۆشیت له‌من ئه‌برد..
 ژیانت له‌من ئه‌برد..
 تا له‌دواین دیدارا..
 له‌ تاریكایی شه‌وگارا..
 ڕازی بێده‌نگیتم
 بۆ بوو ئاشكرا
 كه‌ ده‌نگی تۆ
 چوو به‌ گوێمدا
 خۆت بوویت
 ویستت بڵێیت
 بێده‌نگی
 له‌ بێزمانی جوانه‌
 سڵاو له‌و بێده‌نگانه‌
 كه‌ ئاواتیان زمانه‌..
 له‌و ساته‌وه‌
 غه‌می من بوو به‌بێده‌نگی
 ئه‌وانی دی..
 
 

Previous
Next
This site is registered on wpml.org as a development site.