Skip to Content

Thursday, March 28th, 2024
سه‌ربازگه …. عومه‌ری حاجی ده‌ربه‌نی‌

سه‌ربازگه …. عومه‌ری حاجی ده‌ربه‌نی‌

Closed
by April 24, 2011 ئەدەب

شه‌قامه‌کان بوونه‌ سه‌ربازگاو
سه‌ربازگه‌کان بوونه‌ هۆڵی شایی
قه‌ڵه‌مه‌کان له‌ جبه‌خانه‌کانا هه‌ڵواسران و
تفه‌نگه‌کان له‌سه‌ر کتێب پاڵیان دایه‌وه‌ و
پۆستاڵه‌کانیان کرده‌ ملی کتێب..
ووشه‌کان پر سکیان بوو له‌ بارووت و
فیشه‌که‌کانیش له‌ ڕه‌حمه‌ت
سوپای قه‌ع قاع هه‌ستایه‌وه‌ و
کوڕانی ڕۆژی ته‌نگانه‌ پوکانه‌وه‌
زیندانه‌کان پڕ بوون له‌ ئازادی و
کۆڵانه‌کانی ئازادیش پڕ بوو له‌ زیندانی،
که‌لـله‌ی نارنجۆکه‌کان پڕ بوون له‌ خوێن و
سه‌ری هه‌ناره‌کان له‌ ده‌نکه‌ فیشه‌کی ترش
په‌نجه‌کان بوونه‌ دارلاسیك و
دڵی که‌نه‌سمه‌کان بوو به‌ نیشانه‌
عاره‌بانه‌کان ترێکانیان هه‌ڵڕشت و
بازاڕ بوو به‌ هه‌ڵمات فرۆش…!!
به‌له‌مه‌کانی خۆشه‌ویستی ڕه‌نگ کران و
کران به‌ ناقله‌ی ئه‌شخاس و زریپۆش..!!
نیشتمانیان کرده‌ جه‌نگه‌ڵ
هه‌ڵه‌بجه‌یان به‌ کوردی شه‌هید کرده‌وه
کۆتره‌ سپیه‌کانی( سه‌را‌)یان کوشت و
پڕیان کرد له‌ تفه‌نگی ده‌نگ خۆش…!!

عومه‌ری حاجی ده‌ربه‌نی
23.04.2011   ئه‌ڵمانیا

Previous
Next
This site is registered on wpml.org as a development site.