Skip to Content

Friday, March 29th, 2024
سۆزێكی شاعیرانه‌ ….ستار ئه‌حمه‌د

سۆزێكی شاعیرانه‌ ….ستار ئه‌حمه‌د

Closed
by January 8, 2013 هۆنراوە

 

 

ده‌زانم ماندوویت‌و

سزای شه‌و وه‌ك چرا

له‌ مێشكتا ده‌دره‌وشێ

به‌یانیان گڕ ده‌گریت

به‌ یادی شیعری جوان

سۆز ده‌كه‌یت به‌ وێنه‌ی ده‌روێشێ

په‌رده‌ی رۆژ

له‌ رووی خه‌م داده‌دڕی

ئاواره‌ بۆ ناڵه‌ی شاعیران

هه‌نگاوت گزنگی ئاسۆیه‌

دڕ ده‌دا به‌باران

بولبولی ته‌ریوی سه‌رچڵی ته‌مگرتوو

هه‌موو ئێواره‌یه‌ك

دڵی شار ته‌ی ده‌كه‌یت

به‌ كۆڵێك كێشه‌وه‌

مه‌رگ ئاسا

بۆ دڵی جوانڕۆیان دێیته‌وه‌

به‌ هێدی تارای سوور

له‌سه‌ر روومه‌تی به‌فری سۆز راده‌خه‌ی

كه‌ دیده‌ی شیعرێكی په‌مه‌یی بدره‌وشێ

پڕ به‌ دڵ ده‌ناڵی بۆ لانه‌ی ئۆخه‌ی

گه‌ڵای ته‌مه‌نت

لاپه‌ڕه‌ی دیوانی جگه‌ر بڕاوه‌

ده‌روازه‌ی ژیانت ده‌می برینه‌

خۆزگه‌ت پارسه‌نگی دیده‌ی هه‌تاوه‌

ده‌زانم نیوه‌شه‌و

ده‌روونت ئه‌سكڵی خانه‌قای بێداده‌

هه‌نگاوت مه‌شخه‌ڵی كێوی بێستوونه‌

خوێنی خۆت ده‌كه‌یته‌ نێو دڵی باده‌

كه‌ پێكی نازی گڵ هه‌ڵده‌ده‌یت

گۆش ده‌بیت به‌ سۆزی هۆنراوه‌ی گوڵده‌م

دووباره‌ گڕ ده‌گریت

ده‌سووتێی بێهاوده‌م

 

 

Previous
Next
This site is registered on wpml.org as a development site.