Skip to Content

Friday, March 29th, 2024
شه‌ڕه‌ شه‌ڕعییه‌ت …..سمكۆ عه‌بدولكه‌ریم

شه‌ڕه‌ شه‌ڕعییه‌ت …..سمكۆ عه‌بدولكه‌ریم

Closed
by May 8, 2009 گشتی

شه‌ڕه‌ شه‌ڕعییه‌ت
سمكۆ عه‌بدولكه‌ریم

  هه‌رچۆنێك بێت شه‌ڕه‌ شه‌ڕعییه‌ت له‌شه‌ڕه‌ شاپ باشتره‌ ، شه‌ڕه‌ دندوكیش له‌ شه‌ڕ گولله‌ بێخه‌متره‌ ، ئه‌نفلۆنزای باڵنده‌ش له‌ ئه‌نفلۆنزای به‌راز سه‌لامه‌تتره‌ ، به‌ڵام ئه‌نفلۆنزای مرۆڤ له‌ هه‌ردووكیان خه‌ته‌رتره‌ ، ناشزانم ئه‌نفلۆنزای ئه‌سپیش چۆن ده‌بێت كه‌ ئه‌ویشیان به‌ڕێوه‌یه‌ ،  برایه‌كی موسڵمانم دیت به‌بێ‌ ئه‌وه‌ی تووشی هیچ ئه‌نفلۆنزایه‌ك بووبێت ده‌یگۆت وه‌ڵڵاهی وه‌بیڵڵاهی وه‌ته‌ڵڵاهی كه‌ هه‌رسێكی ناوی خوایه‌ ئه‌وه‌ی یه‌كگرتووی ئیسلامی و كۆمه‌ڵی ئیسلامی كردویانه‌ كه‌ به‌یه‌ك لیست له‌گه‌ڵ زه‌حمه‌تكێشان و سۆشیالیست به‌شداری هه‌ڵبژاردن ده‌كه‌ن كارێكی زۆر ناشه‌ڕعییه‌ ،  له‌وش ناشه‌رعیتر ئه‌وه‌یه‌ شه‌رعیه‌ت به‌و ناشه‌ڕعییه‌ته‌یان دێننه‌وه‌.
 قسه‌یه‌كی جوان هه‌یه‌ ده‌ڵێ‌ هه‌وڵدان بۆ هێنانه‌دی هه‌ر ئامانجێكی شه‌ڕعی به‌ رێگایه‌كی ناشه‌ڕعی ئامانجه‌كه‌ش ناشه‌ڕعی ده‌بێت ، هه‌رچه‌نده‌ ده‌مێكه‌ باوی ئه‌و فكرو فه‌لسه‌فه‌ و قسه‌ قۆڕانه‌ نه‌ماوه‌ ، پیاو ئه‌و پیاوه‌یه‌  دوو لاقه‌ كورسی زیاتر بینێ‌ ، ئه‌وه‌ش كێشه‌ نییه‌  به‌و دوو لاقه‌ كورسییه‌ی گۆڕانی پێ‌ ده‌كرێ‌ یان نا ، گرنگ ئه‌وه‌یه‌ هۆلی په‌رله‌مان گه‌رم و گوڕ بێت و چه‌قه‌ چه‌قی باشی تێدا بكرێ‌  ، چونكه‌ هه‌تا قسه‌ و چه‌قه‌ چه‌قی زیاتر له‌ په‌رله‌مان بكرێ‌ ، ئه‌وه‌ زیاتر هه‌نگاو به‌ره‌و دیموكراسییه‌ت داوێین ، ئه‌و دیموكراسییه‌ته‌ی به‌ قسه‌ی ئه‌و برا موسڵمانه‌ی كاتی خۆی ده‌یگۆت دیموكراسییه‌ت تا ئه‌و شوێنه‌ی شه‌ڕعییه‌ تا لێیه‌وه‌ ده‌گه‌یه‌نه‌ ده‌سه‌ڵات ، دوای ئه‌وه‌ شه‌ڕعییه‌تی نامێنێ‌ ، بۆیه‌ ئه‌گه‌ر به‌ گوێره‌ی ئه‌و شه‌ڕعی و ناشه‌ڕعییه‌ی بێت ، ئه‌وه‌ ده‌بێت وه‌ك ئه‌و پیاوه‌ی بیر بكه‌ینه‌وه‌ كه‌ ده‌یگۆت كارێكی زۆر ناشه‌رعییه‌ ناوی ژنی له‌ پێشه‌وه‌ی پیاوی دابندرێ‌ ، مشتومڕێكی زۆریش له‌سه‌ر ئه‌وه‌ دروست بووه‌ كه‌ چۆن ده‌بێت لیستی  پالێوراوان بۆ هه‌ڵبژاردن به‌ ناوی ژنانه‌وه‌ ده‌ست پێبكات ،  ئه‌گه‌ر دیقه‌ت بده‌ی رۆژانه‌ چه‌ندین جار گوێ‌ بیستی ئه‌و قه‌وانه‌ ده‌بین و  هه‌مووشمان له‌ نێوان ئه‌و هه‌موو شه‌ڕعی و ناشه‌ڕعییه‌دا سه‌رمان سوڕماوه‌ ، هه‌ریه‌كه‌ و خۆی پێ‌ شه‌رعییه‌و به‌رامبه‌ره‌كه‌ی پێ‌ ناشه‌ڕعییه‌ ، ئه‌گه‌ر له‌ هه‌ڵبژاردندا ده‌نگی باشت هێنا ئه‌وه‌ هه‌ڵبژاردنه‌كه‌ شه‌رعییه‌ ، ئه‌گه‌ر نه‌شتهێنا ناشه‌ڕعییه‌ ،  كار گه‌یشتۆته‌ ئه‌وه‌ی پیاوه‌كان له‌ پێناو خۆیاندا و بۆ به‌ده‌ست هێنانی شه‌رعییه‌ت شه‌ڕه‌فی یه‌كدی ده‌شكێنن و له‌و پێناوه‌دا تێكۆشه‌ره‌كانی دوێنێ‌  ئاماده‌ن په‌لاماری  هه‌موو رابردووی خۆیان بده‌ن .
ئه‌مه‌ش جۆرێكه‌ له‌ نه‌خۆشی ئه‌گه‌رنا كێ‌ دوو حانه‌ به‌و جۆره‌ قسانه‌ ده‌دات ، به‌ هه‌موو قوه‌تی خۆی ده‌ڵێ‌ گرنگ ئه‌وه‌یه‌ بچینه‌ په‌رله‌مان ، ئێمه‌ هیچ كارمان به‌ حكومه‌ته‌وه‌ نییه‌ ، سه‌یر له‌وه‌دایه‌ بته‌وێ‌ به‌چه‌ند كورسییه‌كی ئیماره‌تی بابانه‌وه‌ حوكمی ئیماره‌تی به‌هدینان بكه‌ی .

Previous
Next
This site is registered on wpml.org as a development site.