شیشانێ… دڵشاد تاقانە

به‌ده‌ستی خۆت هێڵت کێشا به‌منداڵی له‌کۆڵانێ

کیژان وه‌رن ڕێزه‌ بگرن سازکه‌ین یاری شیشانێ

گورج گۆڵێک هه‌ڵده‌به‌زی به‌‌شه‌لین یان بازدانێ

نه‌علت دابووه‌‌‌ به‌رشه‌ق له‌شه‌ش خانه‌ی سوڕانێ

چۆلی که‌ و پۆڕ پۆڕ‌ی که‌ ، ماڵمـان دووره‌ نێزیکه

به‌خواستێ چاوت چوقاند که‌وتیه‌ نه‌عل فڕێدانێ

شیش لا ، شیش لا پرس و وه‌ڵامه‌که‌ی‌ بۆ هاندانێ  

ده‌ی ‌ئێستا مافت وه‌رگره‌ هه‌نگاوی دروست دانێ

به‌جووته‌ی‌ پێ هه‌ڵده‌به‌زی له‌یاری په‌ت په‌تانێ

چرۆی سۆزه‌ سه‌رچۆپی شایی و ده‌سرۆکه‌ بادانێ

قومارێکی پڕ ساکاره‌ تیله‌ قۆڵته‌ی یاری مۆریانێ 

به‌وه‌ جوانی که‌ جیاوازی وه‌ک مێینه‌ پلان دانێ

                    Dlshadtakana@yahoo.com