Skip to Content

Thursday, March 28th, 2024
(عیشق و چه‌قۆكانی شه‌ره‌ف)….. زانا عه‌لی حه‌مه‌ ئه‌مین

(عیشق و چه‌قۆكانی شه‌ره‌ف)….. زانا عه‌لی حه‌مه‌ ئه‌مین

Closed
by March 11, 2009 هۆنراوە

(عیشق و چه‌قۆكانی شه‌ره‌ف)
                                                      
شه‌قامه‌كانی عیشق جێبهێڵه‌وه‌و
بۆ به‌خته‌وه‌ری مه‌گه‌ڕێ‌ ,
چاوه‌رێ‌ ی شه‌مه‌نده‌فه‌ره‌كانی به‌هه‌شت مه‌كه‌ ,
بۆ ئه‌و دیوی شته‌ نه‌بینراوه‌كان بڕوانه‌ .
ماندوو بوی ,
هاوكێشه‌ی ئه‌م عه‌شقه‌ت بۆ له‌یه‌ك نادرێته‌وه‌ ,
چونكه‌ پڕه‌ له‌و دێڕانه‌ی
به‌ ناته‌واوی ته‌واو بون.
تێئه‌گه‌م, ئه‌ته‌وێت سروشتی گه‌نجیت پێناس كه‌ی ,
له‌ كاتێكدا لێره‌ عاشق بوون پیربونه‌,
پیربونێكی به‌ بێ گۆچان
بێ چاویلكه‌.
چونكه‌ ئه‌مانه‌وێت
ئه‌وی تر هه‌موو شتێكمان پێ‌ ببخشێت,
بێ ئه‌وه‌ی بزانین
ئه‌ویش پڕه‌ له‌ ئاڵۆزی.
خێرا تربه‌,
له‌م هه‌رێمه‌دا
به‌ چه‌قۆكانی شه‌ره‌ف ئه‌كوژرێت.
دواجار دوای مردنت
په‌یكه‌رێكت به‌ روتی بۆ دروست ئه‌كرێ و
دوورو نزیك ره‌جم ئه‌كرێی ,
بۆ ئه‌وه‌ی خوا له‌و گوناهانه‌ت ببورێ‌ ..كه‌ نه‌تكردوون.
ئه‌ی خوایه‌
خۆت میهره‌بانی و له‌ خۆشه‌ویستی ئه‌گه‌یت,
ئیتر بۆ دروست كراوه‌كانت
به‌ناوی ده‌سه‌ڵات و ئاینه‌وه‌
عیشق به‌رد باران ئه‌كه‌ن.  
                                                                                                          8/9/2007
                                                                                          زانا عه‌لی حه‌مه‌ ئه‌مین
                                                                                               

Previous
Next
This site is registered on wpml.org as a development site.