فاول ….. (بەشى سێیەم)…….غەمگین بۆڵى

 

 تۆ پێم مەڵآ: تۆ کێى؟!، منیش بەدواى خۆمدا عەوداڵم!

لە هیکڕا دایکم لەنێو ئەندێشە سپیەکانى بەرەبەیانى خەونێکى پووچگەرى، بە دەنگێکى پڕ گلەیى ڕامدەپەڕێنێت و دەڵێت: ( غەمگین وەرە ئەو منداڵانە چاویان دەرهێناین؟).
هەر بۆ ئەوەى نەونەمامى دڵى دایکم ئاو بخواتەوە، لە کانیاوى هزراندنم کوپەیەک ئاوى زەردەخەنەم بۆ هێنا، دایکم نازانآ!، مندالڕ هەر ئەوەندەى منداڵە بآ خەم لەم کۆمەڵگایە دەژیت!، من ئێستاش ئامادەم ئەوەندەى تەمەنم لە ژین ماوە بیبەخشمە منداڵێک، تەنها تەمەنى بەرائەتى منداڵى خۆییم پآ ببەخشێت.
ئەخەر مشە خۆرەکانى حزب و پەیامى ( جەڕە بآ کونەکان ) و دیاردە باوەکانى سیاسەتى کوردى و بەعەرەبى کردنى گۆرانى کوردى و گروپ و گروپکارى نوسەران و ….هتد).
هێندە پەست و بێزاریان کردوم، ناچارم مەلى بیرکردنەوەم بە ئاسمانى ئەنگوستە چاوى هەندەراندا هەڵبفڕآ، وەلێ ترسى تاڵاوى تاراوگە و خەمى سەختى دوورە وڵات، پەڕ و باڵى مەلە ژاژاکانى هزراندنم لەبن ڕا قووت دەکەن، لەم نێوەندەدا خەریکە خودى خۆمم بیر چێتەوە!..
منى شەیدا بە خویندنەوە و هۆگر بە چەمکى ڕۆشنبیر بوون، هەنوکە هێندە وەڕزم لە ڕەوتى ڕۆشنبیرى; خەم چەشنى هەڵمێکى ڕەش لەسەر شوشەى پەنجەرەى ئاسودەگى بم دەنیشێت، ئیمڕۆ ڕەوتى ڕۆشنبیرى لە کوردستاندا، لەلایەن تاکگەڕانێک بەڕێوە دەچێت، بەڕاى من گەندەڵترین مشەخۆرى ئەم سیاسەتەن، چۆن تاکى کورد ئەوەندەى گرنگى بە ڕووکاڵى دەرەوە دەدات، نیو ئەوەندە گرنگى بە نێوەوەى خودى خۆى نادات،هەر بۆیەش بە ڕێژەیەکى زۆر ئاستى ڕۆشنفکرى لەو پەڕى لاوازى دایە، وەزارەتى وەها هەیە لە کوردستان ئەوەندەى لە بنەماڵەیەکى خۆپەرست و تەژى لە تایفەگەرى دەچێت، نیو ئەوەندە لە وەزارەت ناچێت!تەنانەت لە تەواوى بڵاو کراوەکانیش بەد گومانم!
هەڵۆ پشدەرى بەم بآ ئومێدى دنکە تەسبیحەکانى روانینى نمایش دەکرد، تا ئەو کاتەى بڕیارمدا ووتارێک بنوسین لەمەڕ وەزارەتى ڕۆشنبیرى، مانشێتى بابەتەم ناونا، (شەوت باش وەزارەتى ڕءشنبیرى)، دواى هەڵوستەیەک، هەڵۆ پشدەرى دەستى کرد بە نوسینەوەى قسەکانى من، ناوە ناوەش بە قسەکانم خەندەیەکى گاڵتە ئامێزى دەکرد، ناچارى کردم لە کۆتایى بابەتەکە هەڤپەیڤینێک لەم ڕوانگەوە بکەین، لە درێژەى گفتوگۆ کەماندا، دیارکەوت هەڵۆ لەبارەى زمانى نوسینەکە و وروژاندنى تێفکرینەکانم، هەڵوەستەیەکى گاڵتە جارانەى هەیە و لاى وایە جگە لەکات بە فیڕۆ دان و سەر ئێشە بۆ خودى خۆم زیاتر هیچى تر نیە!، تەنانەت ناوەکەشم لە وەزارەت خەتێکى سورى بڤە ئامێزى بەژێردا دەکێشرێت، ئەخەر سنورى ڕاستەقینە نابێت گوآ بداتە بەرژەوەندیە تایبەتمەندییەکانى و تاکە کەسیەکانى، تەنانەت مەرگى خۆشى، ئەوەى شیاوى گوتنە و بەحەقى نوسینى دەزانیت، نابێت درێغى بکات، وەلێ مخابن کە ووتارەکەشم لەیەکێک لە ڕۆژنامەکانى شارى هەولێردا کە ڕۆژنامەیەکى زمانحاڵى ئەو وەزارەتە و ئەو تەرزە سیستەمەیە بڵاونەکراوە!، نازانم هەندآ مرۆڤ چۆن پەتى درۆیان هەروا دێت و درێژتر دەبێت؟، وەلێ بۆ من حەق بۆتە هەرەس و بڵقى سەر ئاوێکى گەرمتر لە بازاڕى ساختەکاران. کاتێک ڕاڤە لەمەڕ سەنتەرەکانى ڕۆشنبیرى دەکەین، جگە لەناوێکى بآ ناوک زیاتر هیچى تر نیە، ئەى ئەوە کارى وەزارەتى ڕۆشنبیرى نیە؟، کە نەخشە و پلانێکى شیاوى بۆیان هەبێت، سەیرە! وەزارەتى رۆشنبیرى بۆ چاوگرتنى توێژى لاوان ساڵى پار لێژنەیەکى پێک هێنا بۆ بەدواداچوونى کار و پڕگرامەکانى سەنتەرى هەولێر و دەوروبەرى، کەچى کەسمان نەماندیت تەنها دەرگاى تاکە سەنتەرێک دابخرێت، یاخود مۆڵەتى کارکردنیان لێ بسێننەوە، ئەخەر بۆچى هیچ کام لەم سەنتەرانە تا هەنوکە نەیانتوانیوە ئەقڵیەتى تاکى کوردى بگۆڕێت و نەوەیەکى لیبڕالیگەرى و بناغەیەکى نوێى ڕۆشنفکرى تۆکمەن لە کوردستان بنیاد بنآ، بۆ من هیچ جیاوازى لە نێوان چایخانەیەک و سەنتەرێکدا ناکەم، تەنانەت ئەوەندەى ئەدیب و نوسەر و ڕوناکبیر لە قاوەخانەى مەچکۆدا کۆدەبنەوە و ڕازەکانیان تاوتوآ دەکەن، بە سآ چوار سەنتەر و بگرە زیاتریش ئەوەندە خەڵکى ئەدیب و ڕوناکبیرى نییە.
بەرپرسى سەنتەرەکانى ڕۆشنبیرى خاوەن ئەقڵیەتێکى پڕ مەعریفە و لیبڕاڵى نین، بەڵکو لە ناوندەکانى حزبەوە پەروەردە کراون و سیاسەتى ئەم دەستەڵاتە بەرهەمى هێناون، هەر بۆیەش (من) و (تۆ) شیاوى بەرپەرسى سەنتەرى ڕۆشنبیرى نین، چۆن بەرپرسى سەنتەرە دەبێت کۆپى کراوى حزب بآ و هەڵگرى پەیامى حزبى بێـت، دەکرێت ئەمە نمونەى زۆر بارودۆخى ئەمڕۆى کوردستان بێت، کە ئەمە پەتایەکى کوشندەى ڕۆشنبیریە، بۆیە دەکرێت هەموو تاکێک لەم ڕوانگەوە هەڵوێستى خۆى هەبآ و شرۆڤەى ڕەخنە گرانەى هەبێت، بەشێک لەو سەنتەرانەى ناو شارى هەولێر تاکە ئامانجیان فریودانى کچانە نەوەک ڕۆشنبیرى کچان و ڕەگەزى مێینە واتا: ( سەنتەرى وا هەیە لە بڕى ڕۆشنبیر کردنى توێژى مێینە، زۆربەى ئەندامە مێینەکان خەراپ دەکات )، لەبڕى ئەوەى تاکى مێینە فێرى ئازادى و ڕادەربڕین و ڕۆشنفکرى بکات، لەپەناى ئازادیەوە ئاوێزانى دونیاى بەڕەڵایى و سەرەڕۆیى دەکات کە ئەمەش، مەترسى ترین پەتاى ڕۆشنبیرى مێینەى ئەم سەردەمەیە، چۆن ئەم سەنتەرە ڕۆشنبیریانە لەبڕى ئەوەى  مێینەیەکى تۆکمەن و پڕ مەعریفە دروست بکات، تاکێکى مێینەى ڕوخاو لە ڕادەبەدەر ڕەشبین بەرهەم دێنآ، گەلێک جاریش چەشنى بەشێک لە ڕێکخراوکانى ئافرەتان مامەڵە بە لەش فرۆشەکان لەنێوان خۆیاندا دەکەن و گەوهەریەتى ئافرەت لە کەدار دەکەن.
ئەوەى لام سەیر بێت ئافرەت لە کۆمەڵگاى ئێمەدا چەشنى کاڵایەک بەکاردەهێنرێت و ڕوانینى کۆمەڵگاى نێر سالارى چەشنى بەندایەتیەک سەیرى دەکات. بۆیە لام وایە نوسەرانى ئەمڕۆ بە ڕێژەیەکى زۆرەوە لەم گوناهە ڕەشانەى دەرهەق ئافرەتى کوردى دەکرآ، پێشەواى تەواوى چین و توێژەکانى ناو کۆمەڵگەن، نوسەران بۆ ئەوەى ناخییەتى دیکتاتۆریانەى نێر سالارى خۆیان حەشار بدەن هەمیشە ئافرەت بۆ ئەوە موتربە دەکەن. کەوایە ( هەموو پیاوێکى مەزن، ئافرەتى مەزنیان لە پشتە )، جیا لە درۆیە ڕووتەکانى نوسەرانى میدیاکانیش، میدیاى کوردى جیا لەوەى ئەوەندەى هەوڵى کەدار کردنى ئافرەتى کوردى داوە نیو ئەوەندە نەیتوانیوە جەوهەریەتى جوانیەکانى ئافرەتى کوردى بخاتە ڕوو، ئەوەى کە دەشگوترێت ئافرەت: نیوەى کۆمەڵە، درۆیەکى ئیفلیجى کۆمەڵگەى پیاو سالاریە و وەکو چەکێکى کوشندەى بآ دەنگ بەکارى دەهێنن زۆر جار بەدەم سەیر کردنى تەلەفزیۆنەوە سەیرى کلیپە کوردیەکان دەکەم، کە ئافرەت چەشنى کاڵایەکە ڕەفتارى بەرامبەر دەکرێت و جەوهەریەتى حیکمەتە بەرائەتیەکانى ئافرەت بوون دەبنە دڵۆپە ئارەقەى ئابڕوو چوونى کلتورى ئافرەتى کوردى و ڕۆژ لەدواى ڕۆژیش لە هەنیەى ئەم کۆمەڵکایە دادەتکێت، دەکرێت منیش بەرامبەر ئافرەت دیکتاتۆر بم، وەلێ دیکتاتۆرێکى جیا لە تەواوى دیکتاتۆران! لە تەواوى ژیندا تەنانەت درۆى جوانیش بۆ ئافرەت ڕیز بکات، مومکین نیە منیش لە حیکمەتى ڕازە شەنگولیەکانى ئافرەت تێگەیشتبم!، چۆن ئافرەت فاڵێکى بەتاڵى لێو ڕێژ لە هەقیقەتەوە هەقیقەتێکى بەتاڵآ شەڵالڕ لە خورافاتەوە. بۆیە گەلێ جار خێزانەکەم لە ترۆپکى هەڵەموتى گومانەوە بەڕابردوو پێدەکەنێــت و بۆ ئایندەم شین دەگێڕێت، لاى وایە ژینى من عەنتیکەترین سەیرو سەمەرەى ئەم سەردەمکە بەڕەڵایە، زۆر ڕاستە منیش هەر چەند دەکەم بگەم بە بوونم، یاخود بوونم بگات بە من، وەلێ بوونم لەودیوى من و لە دیوى بوونم سەختە!، لێک بگەین، ئەو دیوى بوونى من پیاوێکى کەڵەگەتى پڕ ڕەنگى جیا جیایە و بەچاوى زەق لێم ڕاماوە، بۆیە ئەوەى لە بەرزى منەوە لە نزمیم دەڕوانێت و لە نزمیشمەوە چاو لە بەرزى من دەنوقێنێت و لە پێدەشتەکانى ڕوانینەوە بە هەڵەمووتەکانى لوتکەمەوە گوزەر دەکات، بە تەنها خێزانە تاقانەکەمە، هەرچەندە سۆزى ئەو: زۆر جاروەها ڕێک دەکەوێـت، بەرزى و نزمیشم داگیر دەکات!. ئەى ئەمە سەیر نییە!، کە خێزانەکەشم سەرى لێم دەرنەچێت!؟، نا.. نا نەخێر ڕەنگە من مرۆڤێکى ئاڵۆزکاوى شەڕانگێزى هێمن بەژیان دۆستى بم و هەڵکردنم دژوارترین شەڕى ئیلاهى بێت، بۆیە گرنگیشم بە زۆر شت داوە بگەم پێى و بگات پێم، گەلێ جار بە قوربانیەکانى منیشەوە کۆتایى هاتووە. وەلێ گرنگیم بەوەش نەداوە وخۆم تەسلیمى قەدەرە جوانەکانیش نەکردووە، یاخود خۆم نەکردۆتە دیلى شەهوەتەکانى ئافرەت، ئافرەت مەلێک بووە و هەمیشە بە ئاسمانى منەوە سەماى عەشقى کردووە.
شتێکى تریش چەشنى کوکوختیەک لەسەربانى ئایدیاکانمدا نیشتووە، کە ئەمەشم زۆر لام گرنگ نییە، کە بەرهەمەکانم لەکام بڵاوکراوەدا، بڵاو دەکرێنەوە، بەڵکو گرنگیم بەوەداوە، تا چ ئەندازەیەک بەرهەمەکانم دەخوێنرێنەوە و لەدڵى خوێنەراندا دەژین.
10/10/2008
غەمگین بۆڵى