Skip to Content

Friday, March 29th, 2024
كه‌ ده‌ركه‌وتی …   عه‌لی حه‌مه‌ڕه‌شید به‌رزنجی

كه‌ ده‌ركه‌وتی … عه‌لی حه‌مه‌ڕه‌شید به‌رزنجی

Closed

 

 

 

له‌ دووره‌وه‌ كه‌ ده‌ركه‌وتی

ته‌زوویه‌ك بووی

  به‌ هه‌ناومدا سه‌ركه‌وتی                         

تێكه‌ڵاو بووی به‌ هه‌ناسه‌م

ئاوێزان بووی له‌گه‌ڵ تاسه‌م

 

كه‌ ده‌ركه‌وتی

وه‌كو خه‌نده‌

له‌ كه‌ناری لێوه‌كانمدا هه‌ڵڕژای

وه‌كو بۆنی میسك و عه‌نبه‌ر

به‌ ناو گیانمدا هه‌ڵپژای

به‌ بارانی عه‌شق و جوانیت

باخی ناخم بوژایه‌وه‌

به‌ بزه‌ی ئه‌و لێوه‌ ئاڵه‌ت

گڕی ئاخم كوژایه‌وه‌

 

كه‌ ده‌ركه‌وتی

هه‌رچی خه‌می دڵی من بوو

وه‌ك چۆن په‌پوو

خۆر ئه‌بینێ‌

هه‌مووی ون بوو

ئێستا بێ‌ تۆ ساتێك ناژیم

چون ژیان بێ‌ تۆ دۆزه‌خه‌

ئیتر ئازیز جێم مه‌هێڵه‌

سێداره‌ی دووری هه‌ڵمه‌خه‌

 

با له‌ ئامێزی یه‌كتردا

مۆری ماچی حه‌ز و ئاوات

به‌ لێوی یه‌كتردا بنێین

هه‌ردوو یه‌ك دڵ و یه‌ك بڕوا

هه‌ر سرودی

 خۆشه‌ویستی و عه‌شق بڵێین

 

 

Previous
Next
This site is registered on wpml.org as a development site.