Skip to Content

Thursday, March 28th, 2024
كوڕم مه‌یه‌…..هه‌ردی شه‌فیق

كوڕم مه‌یه‌…..هه‌ردی شه‌فیق

Closed
by March 4, 2009 ئەدەب
(كوڕم مه‌یه‌)
هه‌ردی شه‌فیق
پێشكه‌شه‌ به‌ومنداڵه‌ی له‌دایك نه‌بووه‌ بۆ عه‌زا ب كێشان..
ژیان لێره‌ له‌وه‌یشومه‌ی سوپایه‌كی خێڵه‌كی  ئه‌چێت له‌گۆڕێكی بێناونیشان ئه‌چێێت هه‌موومان به‌شان وباڵی خاوه‌نه‌كه‌یدا هه‌ڵئه‌ده‌ین وكه‌سمان نازانین كێ یه‌وناوناونیشانه‌كه‌ی چیه‌.تامارێك پێمانه‌وه‌ نه‌دات هه‌ست ناكه‌ین مارێك هه‌یه‌ ،ئازاری هه‌یه‌،كوشنده‌یه‌.لێره‌ خۆشه‌ویستی خاڵكردنه‌وه‌ی هه‌وه‌سه‌له‌چه‌ند ده‌قیقه‌یه‌كدا ،له‌كورته‌نامه‌ی مۆبایلێكدا له‌دایك ئه‌بێ‌ وله‌خاڵی كردنه‌وه‌ی هه‌وه‌سێكی سه‌رپێیدا ئه‌مرێ‌.لێره‌ خۆشه‌ویستی ئالوده‌بونی نیگایه‌ك نیه‌ به‌ساڵێك ختوره‌و بیركردنه‌وه‌ی شه‌وانه‌وه‌.لێره‌ خۆشه‌ویستی له‌به‌رژه‌وه‌ندیدا له‌دایك ئه‌بێ‌ و هه‌رله‌وێشدائه‌مرێ‌. لێره‌ ژیان ،عیشق  هه‌مووشته‌جوانه‌كانی تر خزمه‌تكاری به‌رژه‌وه‌ندین.
لێره‌ ئاوه‌كه‌هه‌میشه‌ له‌سه‌رچاوه‌وه‌لێڵ ئه‌بێ‌ وله‌خواره‌وه‌ كلۆری تێ‌ ئه‌كه‌ین.سه‌رمان توشی سه‌ره‌تان ئه‌بێ‌ و به‌دوای ته‌بیبی پێ یه‌كانماندا ئه‌گه‌ڕێین.لێره‌چاره‌سه‌ری برینه‌كان شێته‌كان له‌ته‌بیبه‌كان باشتر ئه‌یزانن.ته‌بیبه‌كانیش چاوله‌ئاست برینه‌كان دائه‌خه‌ن.چاره‌سه‌رله‌سه‌ره‌وه‌ بۆخواره‌وه‌ ده‌ست پێ ئه‌كاو له‌خواره‌وه‌ بۆسه‌ره‌وه‌ ده‌ست پێ ئه‌كه‌ین!هه‌مووان كۆڵانه‌كانی شاربه‌دوای چاكسازیدا ئه‌گه‌ڕێین و كه‌سیشمان ئاماده‌نیه‌ له‌خۆیه‌وه‌ ده‌ست پێبكات وده‌ست له‌به‌رژه‌وه‌ندیه‌كانی خۆی هه‌ڵگرێت.كابرا سه‌ری زمان وبنی زمانی باسی سه‌قه‌تی په‌روه‌رده‌و ده‌سه‌ڵات به‌ڕێوه‌ بردنه‌ له‌و لاشه‌وه‌ نیوه‌ی فه‌رمانگه‌و شوێنه‌كانی تری به‌خشیوه‌ به‌خزمه‌ كه‌م ئه‌زموون ونه‌شاره‌زاكانی .
جامانه‌و مێزه‌ری فڕێ‌ داوه‌و له‌سه‌ركه‌ته‌لۆگ ئه‌گه‌ڕێ‌ و دیمو كراسی عه‌یاره‌(24) مان پێ‌ ئه‌فرۆشێ‌ .ئه‌وه‌تا سۆزانیمان هه‌یه‌ ئایدزیش وابڕوات په‌یا ئه‌بێ‌ ،جگه‌ره‌و خواردنه‌وه‌ش تادێ‌ ڕو له‌زیاد بوونه‌و ڕیكلامیشی بۆ ئه‌كرێت.
كلیپمان هه‌یه‌ كچی لێده‌ركه‌ كه‌س تاقه‌تی نیه‌ سه‌یری بكات .زۆرێك له‌ڕۆشنبیره‌كانیشمان ته‌صه‌وره‌كانی ئه‌وه‌نه‌ سه‌قه‌ته‌ به‌دارشه‌ق ئه‌گه‌ڕێ‌،پێ ی بكرێ‌ ئه‌وه‌ی بۆنی كوردبوونی لێبێ‌ حه‌رامی ئه‌كات.یا ته‌زبیح وجامانه‌كه‌ی فڕێ‌ داوه‌ سمێڵی حه‌فركردووه‌  دووسێ‌ شه‌هاده‌ی گه‌وره‌ی له‌ژورسه‌ریه‌وه‌ هه‌ڵواسیوه‌،كه‌چی هێشتا به‌ئه‌قڵی باپیره‌ گه‌وره‌ی بیر ئه‌كاته‌وه‌.
نیوه‌ی كورد له‌ژێركاریگه‌ری هونه‌ری عه‌ره‌بیدایه‌و نیوه‌كه‌ی تریش له‌ژێركاریگه‌ری فارسیدایه‌و هونه‌رمه‌نده‌كانی خۆشمان به‌شه‌ڕو به‌ئاشتیش نایان كرێ‌،به‌بێ‌ ئه‌وه‌ی له‌سه‌رئاستی جیهاندا هێنده‌ی به‌همه‌نی قوبادی ئازاره‌كانی كوردیان به‌دنیا ناساندبێ‌.ڕۆژنامه‌ سه‌ربه‌خۆو دیاره‌كانمان هه‌ندێكیان له‌ناوخۆدا گه‌نده‌ڵیان لێئه‌چۆڕێ‌و خزمایه‌تی و ناسراویان لێئه‌چۆڕێ‌ و خزمایه‌تی وناسراویان لێئه‌چوڕێ‌ و وه‌كوداركونكه‌ره‌ به‌ربوونه‌ته‌ سه‌ری حكومه‌ت وچاوێك به‌خۆیاندا ناخشێننه‌وه‌ئاخۆكه‌سێك له‌ڕۆژنامه‌یه‌كدا ناسراوی بخوێنێته‌وه‌ ئاخۆده‌سه‌ڵاتداربێ‌ چی ئه‌كا ؟؟
كوڕم مه‌یه‌ ئێره‌پڕه‌له‌مردووی زیندوو،پڕه‌له‌خه‌وتووی،تۆزلێنیشتوو .پڕه‌له‌به‌خه‌به‌ری خه‌واڵو،پڕله‌دزی شه‌ریف له‌پشت میكرۆفۆنه‌كانه‌وه‌نمایشی (جیڤارا)ئه‌كه‌ن ،به‌و په‌ری دڵپاكی وخۆشه‌ویستیه‌وه‌ ڕۆح ودڵ و ده‌نگه‌كانیان پێئه‌به‌خشین ،كه‌س نازانێت ئه‌ودیوی ناخیان چی قومار خانه‌و شه‌یتان خانه‌یه‌كه‌ .نه‌ئه‌هێڵن وه‌ك مرۆڤ بژیت  نه‌ئه‌هێڵن جێ‌ ی بهێڵی ،زیندانێكی گه‌وره‌یه‌ ناوی دایك ،مه‌مله‌كه‌ت ،نیشتمان و هه‌زارووشه‌ی ڕنگاو ڕنگی تره‌ .ئه‌رزت پێنابڕێ‌ و ئه‌ڵێن له‌شوێنێكدا نیشته‌ جێ‌ ببه‌ !ده‌یانه‌وی َ له‌ئاسماندا نیشته‌ جێ‌ ببی ئه‌ویش هی ماڵه‌ به‌رپرسێك نه‌بێ‌.
كوڕم مه‌یه‌ هه‌رچی باسكردنی موقه‌ده‌ساتیشه‌ لای زۆرێك كردوویانه‌ به‌تڕۆهات .ئه‌مڕۆكه‌سێك دێت باسی خزمه‌ت گوزاری گه‌ل ووڵات ئه‌كات ،سبه‌ینی َ هه‌مان خزمه‌تكاری نیشتیمان ئه‌بینی دزی ئه‌كاو دوسبه‌ی دنیایه‌ك ته‌زویرات وزیاده‌نوسین له‌فایلی سه‌رفیاتداو سێ‌ سبه‌ی ناوی له‌ناو كۆڵێ‌ فایلدارو چوارسبه‌ی ئه‌وهه‌مووئیمتیازاته‌ زۆروزه‌وه‌نده‌ی بۆده‌وروبه‌ره‌كه‌ی ودواترسه‌روه‌ته‌كه‌ی هه‌نده‌رانی وكۆمپانیاكانی ئاشكرا ده‌بێت وده‌یه‌وێت بیرو باوه‌ڕی هه‌مان بیرو باوه‌ڕی جارانی كوردایه‌تی بێت .ده‌ڵێن گیان ببه‌خشه‌ به‌نیشتمانه‌كه‌ت ونان مه‌خۆ .له‌گه‌ڵ سه‌رماو گه‌رمادا عاده‌ت بكه‌ .شه‌وان به‌دیار چرای بێ نه‌وته‌وه‌ دانیشه‌ و خۆت له‌گه‌ڵ تاریكیدا ڕابهێنه‌ .
كوڕم مه‌یه‌ زۆرێك له‌قاره‌مانه‌كانی دوێنێ‌ كه‌ڕمزی خه‌بات وشانازی بوون ،دێهات به‌دێهات به‌دوای مشتێك نانه‌ڕه‌ق وكوردایه‌تیدا ئه‌گه‌ڕا ،ئه‌مڕۆخه‌ریكه‌ له‌مرۆڤایه‌تی خۆی دائه‌ماڵێ‌ ،گوێ‌ ی لێ‌ نیه‌ خه‌ڵك له‌برسا ئه‌مرێ‌ یا له‌سه‌رما.بووه‌ته‌ مه‌لائیكه‌تی سه‌رلافیته‌و مینبه‌ره‌كان وئه‌هریمه‌نی گه‌نده‌ڵی وكۆبوونه‌وه‌ی ژێربه‌ژێر .
كوڕم مه‌یه‌  ئه‌ڵێن چاوه‌كانت دابخه‌و گوێ‌ كانت واڵابكه‌ نه‌ك بۆخه‌ڵكی هه‌رزه‌و زۆربڵی ،بۆئێمه‌ی به‌رپرس ،ئێمه‌ی كوڕانی دوێنێ‌ و قاره‌مانی پۆست وڤێلاو بازرگانه‌كانی ئه‌مڕۆ .كوڕم مه‌یه‌ تائه‌م با له‌م كونه‌وه‌ بێت
سه‌رچۆپی ڕشه‌باین.
Jgarsoz8181@yahoo.com

Previous
Next
This site is registered on wpml.org as a development site.