Skip to Content

Thursday, March 28th, 2024
مانایه‌ك بۆ تۆ نادۆزمه‌وه‌ … ستار ئه‌حمه‌د

مانایه‌ك بۆ تۆ نادۆزمه‌وه‌ … ستار ئه‌حمه‌د

Closed
by November 4, 2012 هۆنراوە

 

 

 

گه‌لای قه‌سیده‌یه‌ك 

له‌خوینما هه‌ڵوه‌ری

جه‌سته‌م بۆنی هه‌ناسه‌و

په‌رچه‌می تۆی گردووه‌

گوڵدانی خۆزگه‌م و 

خوناوكه‌ی وشه‌ 

دێڕی عومرم ده‌نوسێته‌وه‌

به‌هاران به‌سه‌ر خاك و 

نیگای بارانا ده‌ڕژێم

گڵ به‌ته‌م ده‌مشواته‌وه‌

شووشه‌ی به‌رامه‌م وردو خاش ده‌بی

ده‌بمه‌ شه‌هیدی هه‌ناسه

گوڵه‌ هه‌ناری خوێن 

له‌جه‌رگما ده‌ڕوێ‌

بولبول ده‌گرێ‌

هێلانه‌ به‌رده‌بێته‌وه‌

ئاوازی سوور 

به‌سته‌ی سیا ده‌گرێنێ‌

‌گۆرانی عیشق

بۆ مه‌رگی من 

په رچه‌م ده‌ڕنێ‌

تاریكی داگیرمده‌كات

ده‌سووتێم

دۆزه‌خێك له‌ عیشق 

ده‌مخنكێنێ‌

شۆڕده‌بمه‌وه‌ به‌نێو گوناهه‌كانا

له‌شێوه‌ی تۆو خۆم

كچانی نێو شیعره‌كانم

به‌بێداری و سره‌وتنه‌وه‌

ته‌نها له‌خۆم ده‌نواڕم

ده‌ستێكم رۆحی رووناكی هه‌ڵگردووه‌ه‌

ئه‌ویدیكه‌م له‌تۆ ده‌گه‌ڕێ‌

دڵوپێ‌ باران شیده‌كه‌مه‌وه‌

تیشك به‌ جاو ده‌پێوم

له‌گلێنه‌ی پرسیاردا ده‌توێمه‌وه‌

مانایه‌ك بۆ نامۆییت

وه‌ڵامێك بۆ نه‌مانت نادۆزمه‌وه‌

ده‌گه‌ڕێم به‌دوای هێلانه‌ی كه‌ناریا

ته‌لبه‌ندی گڕ ده‌مته‌نێ‌

لاسكی گه‌ڵا ده‌نه‌خشێنم

خه‌زان ده‌مپۆشێ‌

له‌رۆحی روناكیا وردو خاشده‌بم

نابیته‌ مۆمیك 

له‌ ته‌نیایتدا بتوێمه‌وه‌

له‌ باڵای هه‌ور ده‌ئاڵێم

پرشنگی نیگایه‌كت 

گیانم به‌ به‌را ناكا

له‌كوێیت 

له‌وه‌تی بوویته‌ سێبه‌ر 

دووی خۆت كه‌وتی 

منت له‌ تاریكیا واڵا كرد 

رۆحمت دوورییه‌وه‌ 

زامه‌كانمت پڕ گه‌ڵا كرد

 

Previous
Next
This site is registered on wpml.org as a development site.