Skip to Content

Friday, March 29th, 2024
موسافیرێك وای ووت  … ئیبراهیم هه‌ورامانی

موسافیرێك وای ووت … ئیبراهیم هه‌ورامانی

Closed
by March 26, 2013 ئەدەب

 

 

 

كاتی چاوشاركێم نه‌ماوه‌ 

باچاوه‌كانم ،

به‌ ڕه‌ش و سپی …

ژیان وێنا نه‌كه‌ن .

زه‌مه‌نی منداڵیمان به‌سه‌رچو.

       ***

گه‌ر  تۆ  نه‌بای 

هه‌روه‌ك ماسیگرێ‌ 

دنیام به‌ده‌ریا ده‌ناسی 

   ***

مه‌راقه‌كانم چنیه‌وه‌ 

له‌ته‌ك بارانا ،

بوومه‌ ئاشنا .

دۆستایه‌تیم لای تۆ جێهێشت 

دواجار 

خۆم بوومه‌ مه‌راق .

    ***

تۆ دێیت 

شه‌قامه‌كه‌ ئاسووده‌یه‌ 

تا دره‌نگانێ‌ 

له‌سیمات …

له‌هه‌نگاوه‌كانت ده‌ڕوانم .

جگه‌ره‌كه‌م 

نێوانی په‌نجه‌كانم ئازار ده‌دا 

به‌ڵام من ،

له‌سووتانی په‌نجه‌كانم ناترسم .

    ***

دارسێوه‌كه‌ 

ده‌ستی دامه‌ 

ده‌ستی جه‌نگ .

ڕۆحم هه‌ر ،

به‌باغه‌ سێو ده‌چێ‌ .

    ***

هێنده‌ گه‌وره‌یت 

دڵم ته‌نیا 

جێ‌ ی تۆی ،

تێدا ده‌بێته‌وه‌ .

  ***

له‌بیری تۆدا بووم 

ته‌زبیحه‌كه‌ی ده‌ستم ،

ڕه‌وییه‌وه‌ .

هه‌ردانه‌ی به‌لایه‌كدا !

بۆئه‌وه‌ی تۆم بیرنه‌چێته‌وه‌ 

وازم له‌ كۆكردنه‌وه‌ی 

ده‌نكه‌كانی ته‌زبیحه‌كه‌ هێنا .

Previous
Next
This site is registered on wpml.org as a development site.