Skip to Content

Friday, March 29th, 2024
هه‌ندێك شیعری نوسره‌ت ره‌حمانی

هه‌ندێك شیعری نوسره‌ت ره‌حمانی

Closed
by March 2, 2012 ئەدەب

 

پیره‌ ئاسمان
كاتێك بابه‌تی یارییه‌كانیان لێگرتینه‌وه‌
كتوپڕ گریاین
خه‌ریكه‌ گه‌وره‌ ده‌بیت
خه‌ریكه‌ بیانووه‌كانمان بۆ گریان
                    ته‌واو ده‌بێت
به‌ڵام كه‌ هه‌ندێك كات تێپه‌ڕی
ژیان هێناینییه‌ سه‌ر باوه‌ڕ
كه‌ ماسییه‌كان
به‌ هێنده‌ی ده‌نووكی نه‌وره‌سه‌كان
                       گه‌وره‌ ده‌بن
ئێستا وه‌ره‌
ئاسمان هێنده‌ پیره‌
كه‌ تا كۆتایی دنیا
             بگرین
رێگه‌
پێیان وتم
ئه‌مه‌ رێگه‌یه‌
چاڵ ئه‌مه‌یه‌
به‌ڵام له‌ گوێم نه‌گرت
من له‌ رێگه‌یه‌كی تره‌وه‌ رۆیشتم
له‌ رێگه‌یه‌كی په‌رت و دوور و كوێره‌وه‌ رۆیشتم
ئێستا خۆم بوومه‌ته‌ ئامانج
قه‌فه‌س
مه‌ڵێ قه‌فه‌س
هه‌ناسه‌م ده‌باو ده‌مرم
مه‌ڵێ قه‌فه‌س
بۆ خه‌ڵكی ئازاد قه‌فه‌س هه‌میشه‌ زیندانه‌
مه‌ڵێ قه‌فه‌س
كه‌ من له‌ ژنه‌وتنی ناوه‌كه‌یشی هه‌راسانم
مه‌ڵێ
بیستوومه‌ وتوته‌ خۆشمده‌وێی
باوه‌ڕ ناكه‌م
گه‌ر راسته‌كه‌ی
ئه‌ی میهره‌بانترین بۆ من
ئیتر مه‌ڵێ قه‌فه‌س
بڵێ كه‌: ئازادی

پاك
وه‌ختی به‌ڕێكردنی عه‌شق
كراسێكی هێند سپیی له‌به‌ربكه‌
وابزانن رووتی


له‌ فارسییه‌وه‌: جه‌بار سابیر

سه‌رچاوه‌:
بیوه‌ سیاه‌
نصرت رحمانی
موسسه‌ انتشارات نگاه‌
    

Previous
Next
This site is registered on wpml.org as a development site.