Skip to Content

Thursday, March 28th, 2024
هه‌ڵه‌بجه‌ … عومه‌ری حاجی ده‌ربه‌نی

هه‌ڵه‌بجه‌ … عومه‌ری حاجی ده‌ربه‌نی

Closed
by March 16, 2012 هۆنراوە

هه‌ڵه‌بجه‌ … عومه‌ری حاجی ده‌ربه‌نی

هه‌شتاو هه‌شت ساڵه‌ هه‌ڵه‌بجه‌
له‌ ناو زه‌ڵمی مه‌رگ و خوێنا
به‌ ته‌نهایی ئه‌تلێته‌وه‌
درێژترین قه‌سیده‌ی ژان
له‌ ده‌فته‌ره‌ بێ به‌رگه‌که‌ی شاره‌زوورا
به‌ سووراوی لێوی هه‌نار
دێر به‌ دێر ده‌نووسێته‌وه‌
ئه‌م قه‌سیده‌،
شانزه‌ دێر و سێ  په‌ڕه‌یه‌
له‌ دیوانه‌که‌ی نیشتمان
ئه‌م قه‌سیده‌،
پینج هه‌زار گوڵه‌ ووشه‌یه‌
له‌ کانی عاشقانی گریان
هه‌موو ساڵێ له‌ شانزه‌ی سێ
عومه‌ری خاوه‌ر،
له‌و کۆڵانه‌ ژه‌هراویه‌دا
هه‌ڵده‌سێته‌وه‌ سه‌ر پێ
ئه‌م قه‌سیده‌ گه‌نم ڕه‌نگه‌
بۆ ئاسمان و بۆ باران و بۆ ویژادان
ده‌خوێنێته‌وه‌
هه‌موو ساڵێ له‌ شانزه‌ی سێ..!!
له‌به‌رده‌م ئه‌م قه‌سیده‌ دا
ده‌بێ دڵمان بۆ چه‌ند سه‌عاتێ ڕاوه‌ستێ..!!

عومه‌ری حاجی ده‌ربه‌نی
15.03.2012

Previous
Next
This site is registered on wpml.org as a development site.