Skip to Content

Friday, March 29th, 2024
هیچ …. ستار ئەحمەد

هیچ …. ستار ئەحمەد

Closed
by August 1, 2012 هۆنراوە

 

 

له‌ چركه‌ی داگیرسانی ئه‌و رۆحانه‌ی 

له‌گه‌ڵ باڵی نه‌رمه‌بایه‌ك 

جگه‌ری خاكیان داگیرسان 

بوونه‌ توێشووی سه‌فه‌ری خاك 

به‌ره‌و ستاره‌ی نووچدانێ‌ 

له‌نێو هه‌وری ژانگرتوودا 

ئه‌سرینی گوڵ ده‌ژمێرێت و 

له‌گه‌ڵ بارێزه‌ی هه‌ڵچوونا 

مه‌رگی دره‌خت به‌گه‌رووی ئاو ده‌ناسینێ‌ 

من و تۆ له‌گڵ ده‌خوازێ‌ 

ئێمه‌ی ونبوو 

له‌نێو برینی به‌روارو 

له‌سووتانی لاپه‌ره‌ی ژانی ئه‌دگارا 

مێژوویه‌كمان هه‌بوو بۆ داڕووخان 

دورگه‌یه‌ك خوێن و 

پردێك له‌شمشێری ئاومان 

بۆهه‌وارمان كرده‌ نیشان 

له‌داخوازی پرسه‌و مه‌رگا 

ناوێ نه‌بوو بۆ سه‌رخۆشی 

ماڵێكمان نه‌بوو 

بۆ دانوستان 

له‌گه‌ڵ زه‌نگی دواچركه‌ی خه‌م و غوربه‌تا 

نامۆ به‌تۆو ته‌ریك له‌خۆم 

ده‌گریم به‌سه‌ر په‌نجه‌ره‌ی عومری پرشنگ و

كۆچباری مه‌ل ودره‌ختا 

نه‌لانه‌یه‌ك گوڵ ده‌دوێنێ‌ 

نه‌باخچه‌یه‌ك ژوانت بۆچاوی رۆژ ده‌بات 

گۆشه‌یه‌كت ده‌ستناكه‌وێ‌ 

له‌نسێیدا عومری سووتانت بژمێری 

هه‌ر ده‌ڕۆیت و پشوویه‌كی بێناسنامه‌ 

زامی چڵت نیشان ده‌دات 

جه‌سته‌ی په‌پووله‌و گوڵاڵه‌ 

به‌به‌رگی ژانت ده‌دوورێ‌ 

تۆ ده‌روازه‌ی نسارێكی بێناسنامه‌ی 

تۆهیچ نیت و هه‌ر ژماره‌ی 

 

Previous
Next
This site is registered on wpml.org as a development site.