Skip to Content

Friday, March 29th, 2024
وێستگه‌ کانی ته‌نیایی…. دڵشادی عومه‌رکاکی

وێستگه‌ کانی ته‌نیایی…. دڵشادی عومه‌رکاکی

Closed
by May 16, 2008 ئەدەب

     دیــده‌نیی..                                             
 هه‌ر که‌سه‌ری لێ ئه‌ده‌م..                             
 ماڵی بێ ده‌رگاو                                             
 باغی بێ په‌رژین و                                          
 شــوشــه‌ی پڕشه‌رابه‌،                                  
 که‌س وه‌کوئه‌وئاشتمان ناکاته‌وه‌                     
 من و خۆی                                                      
 چه‌نده‌ ئاشنای یه‌کین..!                                  
 مــن و ئــــه‌و ..                                                
 مـــــن وته‌نیایی.                                             
 
 شــه‌وان..                                                       
 هه‌رکه‌سه‌رده‌نێین به‌یه‌که‌وه‌ ..                       
 ئیترقسه‌م بۆده‌کاو ..                                       
 شه‌وانی چۆڵ وهۆڵم                                      
 پڕ ده‌کــــا..                                                      
 تانه‌خه‌وم جێم ناهێڵێ                                    
 خاڵیم ده‌کاته‌وه‌ بۆعه‌شق                               
 بێ منه‌ت هاوڕێمه‌                                          
 نازانم کامیان منم و                                         
 کامیانه‌ ته‌نیـــایی..؟                                       
 
                      
 فڕیــن ..                                                         
 هه‌ر که‌سه‌رم له‌ باوه‌شی ده‌نێ..                  
 فێره‌ فڕینم ده‌کـــا..                                         
 ڕامده‌ژه‌نێ..و..                                               
 فڕینی عه‌شق و                                            
 ژیان ده‌نوسینه‌وه‌و                                         
 چاڵه‌کانی مردن پڕده‌که‌ینه‌وه‌                         
 له‌ ئاسمانیشدا ده‌فڕین                                  
 نازانم کاممانین ده‌فڕین..؟                              
 مــن یا ته‌نیایــی.                                      
                      
 دوانه‌..                                                            
 هه‌ر له‌ سێبه‌ره‌که‌م ده‌چێ                             
 لێم جیا نابێته‌وه‌،                                             
 له‌تاریکیدا پیشم ده‌که‌وێت و..                         
 له‌ڕوناکیدا له‌دوامه‌وه‌یه‌،                                 
 له‌ غه‌مگینیدا                                                  
 دێته‌ لام و..                                                     
 له‌خۆشنودیدا..                                               
 به‌جێم ده‌هێڵێ                                              
 نازانم کاممان                                                 
 دڵخۆشین و..                                                 
 کاممان غه‌مگین                                            
 مــن و ته‌نیایی.                                              
 
 ته‌نیایی
 دڵم ئه‌داته‌وه‌                                                  
 پێکێ شه‌رابی ئاڵی داوه‌ته‌ده‌ستم..               
 نایه‌ڵێ ته‌نیا بم و..                                          
 چاوم له‌ تریفه‌ی خه‌نده‌و..                               
 ته‌نافی نیگاکانی خۆمه‌،                                 
 من شه‌رابه‌که‌ی خۆم..                                  
 له‌ژیاندا ده‌خۆمه‌وه‌و..                                      
 ته‌ته‌ری کۆڵانه‌کانی دونیام و..                        
 ژیان به‌ ته‌ڕیی ده‌بینم و..                                
 مردنیش وشــــک وشــــــــــک.
 خۆم به‌ ته‌نیاترین ده‌بینم و
 ته‌نیایش..به‌ خـــۆم .
 

Previous
Next
This site is registered on wpml.org as a development site.