Skip to Content

Thursday, March 28th, 2024
ياداشته‌کانی پياوێك ….. سروشت نه‌وزاد

ياداشته‌کانی پياوێك ….. سروشت نه‌وزاد

Closed
by October 23, 2012 ئەدەب

 

 

1

وه‌ك جه‌نگاوه‌رێكى ته‌نيا،

ماندووم ….

دوافيشه‌كى ده‌مانچه‌كه‌م،

ڕوو له‌دڵى سێوێك ده‌كه‌م !

سێوێك

هه‌ساره‌يه‌كى دروستكرد .

 

2

گوله‌ى شه‌يتان  به‌رله‌هه‌رشتێك

بۆئه‌وه‌هات، دڵى مرۆڤ كون بكات !

وه‌لێ كه‌شه‌يتان گةشته‌ ئه‌م هه‌ساره‌يه‌

خودا به‌خێراى ، 

بۆبه‌هه‌شتى هه‌ڵكێشايه‌وه‌ !

 

3

(ژيانى من)

 

وه‌ختێ كه‌ئاسمان

مانگ و ئه‌ستێره‌كانى فه‌لاقه‌ده‌كرد…

له‌دايك بووم !

وه‌ختێ كه‌باران

باخچه‌كانى ئه‌سوتاند …!

ڕێده‌كه‌م به‌م شێوه‌يه :

چاوه‌ڕوانى …

له‌مێژه‌ له‌ دوورگه‌يه‌كى چۆڵدام…

ده‌نگى من به‌گوێى هيچ كه‌سێكدا ناگات !

 

4

هاوڕێکه‌م ، پڕه‌ له‌ میهره‌بانی …

دڵۆپه‌ بارانێ نیگه‌ران…

له ‌ئاسمانی  دڵی دره‌ختێکی ماته‌وه‌، دێت و پێی ده‌ڵێت :

له‌مێژه‌ پڕ بووم له‌ ژه‌نگ …

ئیتر دایکه‌که‌ی جاران نیم من !

ده‌مێکه‌ :

چیاکان تاری مردن ئه‌ژه‌نن …

باخچه‌و وه‌رزه‌کان کفنی سپییان پۆشیوه‌

له‌ مێژه‌ دووکه‌ڵ له‌ جه‌نگه‌ڵه‌کاندا ئه‌ڕووێت…!

 

هاوڕێکه‌م به‌به‌رگی ئاوه‌وه نائومێد!!‌

نامه‌ی خۆکوشتنی پێیه .

 

5

به‌ئاگرى مۆدێرن،

كتێب و باخچه‌و ئه‌وين سووتا.. !

 

6

سه‌يركه‌ن ،

تارماى چ شكستێكمان هه‌ڵگرت …

ئه‌وه‌ هه‌موو ئيراده‌ى ئێمه‌ بوو :

خه‌ون و شه‌قامه‌كان و

ته‌نانه‌ت ژووره‌كانى ته‌نيايشمان !

بۆ نێو ئۆتۆمبێله‌ نوێيه‌كان گواسته‌وه‌ …!!!

 

7

(په‌ناهه‌نده‌)

 

بێ تۆ،عاشقى مردنم.. . گه‌رتۆى لێنه‌بێت !

بێ ئێوه‌، عاشقى مردنم…

مردن بێ ئێوه‌!

له‌گه‌ڵ تۆدا ،

په‌نجه‌ره‌ى  هه‌موو سه‌فه‌ره‌كانم  شكا …

من، فه‌رسه‌خێك دوور له‌ ئامێزى  ته‌ڕى باران،دوورله‌ ئه‌وين! دوورله‌ تۆ …

ئه‌وين ئێستا كچێكى مه‌سته‌

ماڵى بارمته‌ی زێڕه‌و…

گيرفانه‌كانى پڕ له‌ پووڵ !!!

 

8

له‌سه‌رلاپه‌ڕه‌یه‌كى سوور،

نه‌خشه‌ى به‌شێك له‌به‌خته‌وه‌ريمان كێشا

ئاژه‌ڵه‌كان به‌سه‌رى بڕاوه‌وه‌…

بوونه‌ خوانى سه‌رسفره‌كان!!!

 

(ده‌ستى خوێناوى،

بۆسه‌رسكى تێر)

 

9

سه‌يرم به‌جوڵه‌ى  وه‌رزه‌كان نايه‌ت.

كرمه‌كان هه‌ن !

مێرووله‌كانيش …

 

10

گه‌ر ووێڵى ژيانى ئه‌ى موسافير…

ئه‌وه ‌زێرابخانه‌يه‌ك ،

له‌ جيهانى  ڕۆبۆته‌كان !!

 

11

نيگه‌رانم … نيگه‌ران !

له‌خۆمدا ،

له‌زه‌مه‌ندا،

كه‌ڵه‌که‌بووم

كه‌ده‌مه‌وێت جێپێكانم

به‌پشتى سه‌فه‌ردا ڕاخه‌م،

ده‌خليسكێم …

ده‌خليسكێم و دووباره‌ له‌سه‌رهه‌مان ڕێگا !

بۆئه‌به‌د ده‌كه‌وم.

به‌ئاگادێم،

وه‌ختێك كه‌ده‌مه‌وێت،تۆوه‌ك ده‌رياببينم …

ڕاده‌چڵه‌كێم !

 

12

له‌ماڵێكدا،

باوكم و دايكم و خوشك و براو

هه‌زاران جۆر مرۆڤى تر ده‌ژين .

كه‌س گوێى له‌ ده‌نگى كه‌س نیيه‌… !

هه‌موو پڕ له‌قسه‌…

هه‌زاران جۆر مرۆڤ و 

هه‌زاران جۆر ته‌نياى …

 

13

بيرله‌زۆرشت ده‌كه‌مه‌وه‌! زۆرشت …

بيرده‌كه‌مه‌وه‌، ڕۆژێك ده‌بمه‌هاوڕێى كۆلاره‌يه‌ك و

ده‌ست له‌ملان پێكه‌وه‌،

ده‌ربازده‌بين و ده‌ڕۆين .

پێكه‌وه‌، دوور دوور ده‌فڕين …

 

14

( ده‌رباز بوون! )

 

قومارخانه‌يه‌كى گه‌وره‌

پياوێك هه‌ڵهات و دواجار گه‌ڕايه‌وه‌

قالۆنچه‌يه‌ك و پياوه‌كه‌

دواتر بوون به‌هاوڕێ…!

 

15

ڕه‌شه‌بايه‌ك كه‌ له‌قوڵاى دۆزه‌خه‌وه‌دێت

خۆى ده‌كات به‌كه‌پووى زه‌ويداو

زه‌ويش ده‌خولێته‌وه‌….

ئاوپڕه‌ له‌ ئيزرائيل !

منيش بێهۆ ده‌خولێمه‌وه‌…

 

16

بيرله‌هيچ ناكه‌مه‌وه‌!

كاتم بۆهيچ شتێك نه‌ماوه‌

گه‌رتوانيم هه‌وڵئه‌ده‌م

ته‌نيا ڕۆژه‌كان بژمێرم!!!

 

 

Previous
Next
This site is registered on wpml.org as a development site.