Skip to Content

Friday, March 29th, 2024
پژانی  شه‌ونم

پژانی شه‌ونم

Closed
by April 26, 2008 ئەدەب

رۆژدین راد…..

ئه‌ی شه‌ونمی هێشتا نه‌ڕژاو
گوزه‌ری شه‌وێک بۆ شکۆفه‌یه‌کی سپی مانا که‌
خه‌ونێکی کاڵ له‌ ژێر په‌نجه‌ی کاتژمێری بێ زه‌ین
بۆ عه‌یارێک و وه‌رزی تفتی شیعر
بۆ خه‌وگه‌رۆکی ته‌نیای دوو هاتن و سه‌د جار چوون

کۆترێک له‌ پشت دارستانی بێ حافزه‌دا
باڵه‌کانی خۆی ده‌شوات                                                                                         
دارستان له‌ به‌رامبه‌ر گوڵ ئه‌ستێره‌یه‌کدا
قژی خۆی دادێنێت                                                                    
تیرێژک له‌ نهێنی شه‌و ده‌دوێت و
مانا به‌ مه‌رگ ده‌به‌خشێت                                                                  
خه‌وگه‌رۆکێک له‌ ته‌نیایی دوو هاتن و
سه‌د جار چوون دا                                                                     
شه‌راب ده‌ڕژێنێته‌ سه‌ر ڕیشه‌کان و 
سرودی بێداری ده‌چرێت                                                                  

تۆ شه‌ونمی ڕژاو
ختولکه‌یه‌ک له‌ غه‌می باخچه‌ وه‌رێنه‌
نه‌سیمێک ببخشه‌ به‌ دارستان
ته‌ماشای زینی کاتژمێر که‌
دوێن و سه‌پی تێدا وه‌شۆ
خه‌وگه‌رۆک له‌ ته‌نیایی دوو هاتن و
سه‌د جار چوون پاک که‌ره‌وه‌
له‌ جانتای تاریکی عه‌یارێکدا نوور بڕژێنه‌و
هه‌تا بێداری ڕیشه‌کان شه‌رابی ده‌م
ته‌نیا ده‌م نه‌م نه‌م بتکێنه‌ خاکه‌وه‌

Previous
Next
This site is registered on wpml.org as a development site.