Skip to Content

Friday, March 29th, 2024
پیاسه‌ی موسیقا …بورهان ئه‌حمه‌د

پیاسه‌ی موسیقا …بورهان ئه‌حمه‌د

Closed
by May 21, 2013 ئەدەب

 

 

 

شارێك به‌ده‌م رۆیشتنه‌وه‌ وه‌نه‌وز ده‌یگرێ‌

شارێك به‌دیار خه‌وه‌وه‌ ئێشگی گرتووه‌ 

شارێك له‌ كۆڵانه‌كانیا مۆسیقا هاتوو چۆ ناكا 

شارێك تفه‌نگی به‌رداوه‌ته‌ شه‌قامه‌كانی 

شارێك فیشه‌ك به‌ خه‌ڵكه‌كه‌یدا ده‌وه‌رێ‌ 

شارێك سپێتی نابێته‌ ده‌لیلی 

شارێك شانازی به‌ئه‌تككردنی كچی حه‌قیقه‌ته‌وه‌ ده‌كا 

شارێك خووی به‌ كوشتنی په‌پووله‌و كۆتره‌وه‌ گرتووه‌ 

شارێك له‌هیچ شتێكدا به‌خیلی پێ‌ نابرێ‌

شارێك پێویستی به‌كه‌مێك نه‌زاكه‌ت هه‌یه‌ 

شارێك خه‌ون به‌ فه‌زیله‌ته‌وه‌ ده‌بینێ‌ 

شارێك هه‌میشه‌ نادادی ده‌لاوێنێته‌وه‌ 

به‌رده‌وام چه‌پڵه‌ بۆ به‌زین لێده‌دا 

شارێك عه‌وداڵی ئازووقه‌ی روناكییه‌ 

چاوه‌رێی كه‌مپینینی تریفه‌یه‌ 

شارێك سێبه‌روو هه‌تاوی 

گوڵ و باخچه‌كه‌ی 

نابێته‌ مایه‌ی حه‌وانه‌وه‌ی هه‌مووان 

له‌نێوان من و شار 

دیوارێك هه‌یه‌ 

مه‌زه‌نده‌م وایه‌ 

له‌ شوورای چین ده‌چێ‌ 

 

بورهان ئه‌حمه‌د 

 

 

Previous
Next
This site is registered on wpml.org as a development site.