Skip to Content

Thursday, March 28th, 2024
ڕۆتین….. شیعری به‌کر ئه‌حمه‌د

ڕۆتین….. شیعری به‌کر ئه‌حمه‌د

Closed

 
 
 
 ڕۆتین….. شیعری به‌کر ئه‌حمه‌د
 
 25ی ئۆکتۆبه‌ری 2008

 
 که‌ به‌یانیان ده‌چێته‌ده‌ر، زۆر شت له‌گه‌ڵ خۆی هه‌ڵده‌گرێ
 جزدانه‌که‌ی، سه‌عاته‌که‌ی، مۆبایل و
 کلیلی دوکان، ناوی ئه‌و کچانه‌ی به‌ ته‌نها
 له‌ ژووره‌کانی خه‌یاڵدان، به‌ڵام ده‌ڕوا و له‌گه‌ڵ خۆیدا، هه‌ڵیانده‌گرێ
 سێ چوار مه‌وعیدی کتو پڕ
 له‌سه‌ر زاری، ده‌فته‌ره‌رێک له‌ قسه‌ی ئه‌مڕۆ
 له‌ ناو دڵییا، کۆمه‌ڵێک حه‌ز، داخێک گه‌وره‌
 له‌ ناو گوێیدا، سێدێیه‌ک له‌ ده‌نگدانه‌وه‌ی چرپه‌ی عیشقی هاوسه‌ره‌که‌ی
 که‌ دێته‌ده‌ر
 پیاوه‌تی له‌گه‌ڵ خۆی ده‌با، شوهره‌تی باوک و باپیره‌ی
 خه‌ونی ئاینده‌یه‌کی دوور
 سه‌روه‌رییه‌کانی ڕابردوو
 گوومان، ئیمان و ڕاستگۆیی و
 عیشق و تووڕه‌بوون و شادی، وه‌ک ناوی خۆی
  هه‌مووی له‌گه‌ڵ خۆی هه‌ڵده‌گرێ
 شه‌ره‌ف نه‌بێ، هه‌موو ڕۆژێک که‌ دێته‌ده‌ر
 ده‌یداته‌ ده‌ست خێزانه‌که‌ی
 بۆی هه‌ڵبگرێ.
 
 
 
 

Previous
Next
This site is registered on wpml.org as a development site.