Skip to Content

Thursday, March 28th, 2024
کاڵبوونه   …….  ئاراس قه‌ره‌داغی

کاڵبوونه ……. ئاراس قه‌ره‌داغی

Closed
by May 8, 2008 ئەدەب

ڕه‌نگه‌کان هه‌موو کاڵبونه‌وه
گوڵه‌کان هه‌ڵبزوڕکان ، هه‌ڵوه‌رین

عه‌شق به‌هه‌رزانترین نرخ
قه‌بلێنرا له‌مه‌زادخانه‌ی درۆدا

ده‌نگه‌کان کپ بوونه‌وه‌
گوڵ گه‌مه‌ی پێ ده‌کرێ
به‌درۆکانی خۆشه‌ویستی

مرۆڤایه‌تی
کونه‌به‌بویه‌ک له‌شه‌وێکی بێ مانگدا
فڕاندی بۆدروست کردنی کولانه‌که‌ی

مافی مرۆڤ
ڕوناکردنه‌وه‌ی ژووری جه‌لادێک

هاوڕێیه‌تی
بۆته‌ڵاڵه‌زمانێک
مه‌حاڵه‌تێگه‌شتن لێی

ڕه‌نگه‌کان به‌بارانی بێ هه‌ور
به‌ئێواره‌یه‌کی پڕ ئاسته‌می غوربه‌ت
به‌چاوه‌ڕاونی هه‌میشه‌یی بێ ووڵاتی
به‌خه‌وێکی هه‌میشه‌یی بێ ئاڵایی
کاڵبونه‌وه‌.

هیواکان
له‌گه‌ڵ په‌ڕه‌سێلکه‌کان
کۆچیان کرد بۆ وێرانه‌که‌ی مه‌نفا

ئه‌ستێره‌کان،مانگ،خۆر
به‌فڵچه‌ی ده‌ستی مناڵه‌بۆیاخچی یه‌کان
کاڵبونه‌وه‌

ڕه‌نگی به‌هار
به‌خوێنی عاده‌ی قه‌یره‌کچه‌کان
کاڵبوونه‌وه‌

تاوان
به‌ده‌ستی کوژه‌رانی دوعا و
هه‌موو دوعاکانی تریش
تۆخکرایه‌وه‌

هه‌موو پێکه‌نین و خه‌نده‌کان
به‌تاریکی بێ کاره‌بای بێ ووڵات و
به‌ووشکی بێ ئاوی
سڕانه‌وه‌

ڕۆشنبیر،نووسه‌ره‌کان
له‌گه‌ڵ برا ده‌روێشه‌کانیاندا
زیکر ده‌که‌ن له‌سه‌ر مێزی
ده‌سه‌ڵاتداران

شه‌ره‌ف
ده‌فرۆشرێ به‌نرخێکی گه‌لێ گران
به‌فه‌رمانی پیاوه مێشک ژه‌نگاویی یه‌
‌ڕیشداره‌کان

پاییز
به‌درۆکانی خۆشه‌ویستی و عه‌شق
گه‌ڵاکانی پۆست ده‌کرێ
بۆ ووڵاته‌دراوسێکان
ڕه‌نگی
به‌مه‌شخه‌ڵی ده‌ستی فاتیمه‌
تۆخکرایه‌وه‌

شه‌هیدان
له‌خه‌می ووڵاتدا
له‌خه‌می گه‌نده‌ڵیدا
پرچی سپییان ده‌هۆننه‌وه‌

ووڵات
تابێت ڕه‌نگی کاڵتر ده‌نێ
هه‌رچی شته‌له‌کوردستاندا
هه‌تابێ و هه‌تا هه‌یه‌
ڕه‌نگی کاڵتر ده‌بێ
تا دێ ڕۆژێ
ڕه‌نگی هیچ پێوه‌نامێنێ…

                                                  arasqaradaxi@hotmail.com    سوید مای 2008


 

Previous
Next
This site is registered on wpml.org as a development site.