Skip to Content

Thursday, March 28th, 2024
گروپی کۆمونیستی ئەنتەرناسیونالیست لەنێوان «لێنینیزم» و «كۆمۆنیزم» دا..3

گروپی کۆمونیستی ئەنتەرناسیونالیست لەنێوان «لێنینیزم» و «كۆمۆنیزم» دا..3

Closed
by December 29, 2008 گشتی

گروپی کۆمونیستی ئەنتەرناسیونالیست لەنێوان «لێنینیزم» و «كۆمۆنیزم» دا
زاهر باهر
له‌نده‌ن سێپتەمبەرى 1996
به‌شی سێیه‌م

   لەبەندى 36دا دەڵێن " من برودون الى كاوتسكی، ومن هتلر الى فیدل كاسترو، ومن ستالین الى موسولینى ومن برنشتاین الى بیروت، ومن ماو الى خمینی او من عرفات الى غورباتشوف و كافە المصلحین الاخرین… وجدت دائماً فصائل بورجوازیه تقدمیه تدعو الى اجرا و اصلاحات كبیرە و توظف خطابیه شعبویه وعمالویه (ضد الثورة) وضد( الاحتكار) وضد الاولیغاركیە و (ضد العوائل المعدودە المالكە فی البلاد) و( ضد تسلط الاغنیا و) بە ریزكردنى ئەمانە گروپ ئەیەوێت ئەوەمان پێ بڵێت كە ئەمانە ڕیفۆرمیستن و ڕیفۆرمێکی زۆریشیان كردووە هەڵبەتە مەبەستیش لە ڕیفۆرم هەر وەكو لەسەرەوە باسم كرد لێدانى پڕۆلیتاریایە بۆیە لێرەدا بە تێگەیشتنى ئەوان هەتا بە تیرورو شەڕیش لە جەنگ و شەڕگەكاندا پڕۆلیتاریا ئەگەر لە ناوببرێت لاى ئەوان هەریەك شتە لەگەڵ بەدیهاتنى دەستكەوتەكانى ڕۆژانەیاندا. چونكە هەردووكیان لاى ئەوان هەر لێدانى پڕۆلیتاریایە، بۆیە جەنگ و ئاشتى هەریەك شتەلایان، ئاشتى ڕیفۆرمى تێدا دەكرێ نەك شتێکی‌تر، نەك سازدان بێت بۆ شۆڕش، جەنگیش قڕكردنى پڕۆلیتاریایە نەك خولقاندنى هەل و مەرجێك بۆ ڕودانى سەدەها ڕاپەرین وەكو ئەوەى كە لە كوردستان وباشورى عیراق ڕووى دا.
   هەركەسێ ئەو بەندە بخوێنێتەوە پرسیارێك لاى دروست دەبێت ئەویش  ئەوەیە، ئایا سەرانى وەكو هتلرو ستالین و مۆسولونى و خومەینى… هتد دەبێ كام ڕیفۆرمیان كردبێت نەك تەنیا هەر بۆ پڕۆلیتاریا بەڵكو بۆ باقى كۆمەڵگە-كەشیان؟ كەسانى وەكو ستالین، مۆسولونى و هتلر و خومەینى خوێنى خەڵكیان ڕشتووە، سەركردایەتى جەنگى جیهانى دووهەمیان كردووە، كەسى وەكو خومەینیش چ ڕیفۆرمێکی بۆ كۆمەڵگاى ئێران هێناوە؟ جگە لە تیرور و زیندووكردنەوەى بیروباوەڕى مەزهەبى هەزارو چوارسەد ساڵ لەمەوبەر، گەڕانەوەى ئێران بۆ سەردەمى شاكانى ێەفوى، زیندووكردنەوەى كۆیلەتى ئافرەت…هتد.

   5- گروپ و سه‌ندیکاو ڕێكخراو، گروپ و دەستەو كۆمەڵى بەرگرى كۆمەڵانى خەڵك وەكو ژنان، ئاشتى،دژى ڕەگەزپەرستى، دژە فاشیست، دژە نازیست…هتد.

   گروپ تێڕوانینێکی زانستیانەى بۆ چینى پڕۆلیتاریاى سەردەم نییه‌، هەر بۆیە بەرخوردێکی واقعیانە بەو مەسەلەیەى سەرەوە ناكات. دەنا تووشى ئەو هەمووە هەڵانە نەدەبوو كە لە پێشنیاركراوەكانیاندا بەرچاو دەكەون.
   لەم لاوە پڕۆلیتاریا لەسەر ئاستى جیهانى بە چینێکی (موتەبەلوەرى) یەكگرتوو دەزانێت.و دەڵێت: پڕۆلیتاریا ئەوە ناكات و ناچێت بەلاى ئەوەدا دژى ئەوە دەوەستێتەوە، كەچى لەو لاشەوە بە چینێکی دواكەوتووى ناهۆشمەندى لە قەڵەم دەدات و شین و شەپۆرى بوونى پێشڕەو، پارتى چەق بەستووى جیهانى و دەوڵەتى دیكتاتۆریان بۆ دەكات.
   پڕۆلیتاریاى سەردەم لەسەر ئاستى جیهانى چینێکی یەكگرتوو نییه‌ و تەنانەت لەسەر ئاستى ووڵاتێكیش، یەكگرتن و یەكنەگرتنیش ووشەیەکی ڕەها (مطلق) نییه‌ هەتا بە ڕەهایى و بێ بەند ومەرج بتوانین بەكارى بهێنین، یەكگرتنى كرێكاران پێداویستى خەبات و تێكۆشان بۆ بەرژەوەندى چینایەتیان سنوردارى دەكات و دەست نیشانى دەكات. هەر بەو شێوەیەش شۆڕشگێرى و ناشۆڕشگێریان، هەل ومەرجى ژیان وفشارى كاروبارگرانى و سەغڵەتى ژیان، چارەنەمان و لێ بڕان ئەتكات بە شۆڕەسوار و شۆڕشگێر، پێچەوانەى ئەو هۆكارانەش ئاكامى پێچەوانە بە دەستەوە ئەدات هەر بۆیە ووتەكەى گروپ و ماركسیش زۆر لەواقیعەوە دوورە كە دەڵێن ( الطبقة العاملە اما ثوریە او لا توجد). بەندى 52.

   گروپ كە باس لە پڕۆلیتاریا دەكات زۆر بە ئاشكرا هەست دەكەیت كە باس لە چینێکی‌تر، لە جیهانێکی‌تر دەكات، دەنا نەدەكەوتە هەڵەى واگەورەوە و بڵێت ( تناضل البرولیتاریا من أجل تنظیم نفسها خارج وضد النقابات التی باعتبارها عقبە على طریق الثورة الشیوعیە، ینبغی ان یتم تدمیرهما كلیاً…) بەندى 37. كورد ڕاستیان گوتووە كە دەڵێن ئاش لە خەیالێك و ئاشەوان لە خەیاڵێك. ئەوەى كە پڕۆلیتاریا ئەمڕۆ لە خەیاڵیدا نەبێ مەسەلەى شۆڕشى کۆمونیستییە و ئامانجى ئەمڕۆى كرێكارانیش نییه‌. لەڕاستیدا كرێكاران و بزووتنەوەكەیان بزووتنەوەیەکی تەواو ڕیفۆرمیستى، ئابوریانەن.
   بزووتنەوەیەکی سیاسى نییه‌ لە هۆشى  (گروپ)دا خۆى بخەمڵێنى و (دكتاتۆرى پڕۆلیتاریاى جیهانى) دروست بكات. ئەمڕۆ تەنانەت بەشێك لەكرێكاران ڕایان وایە كە دەبێ نه‌قابەش كەمێك لە تێكۆشانیدا لەسەرخۆتر بێت!!!
   گروپ باس لە خواست و ئارەزووى خۆیان دەكەن، قسەى دڵى خۆیانە و بۆ خۆیانى دەكەن. واقعى ئەمڕۆ ئەوەیە كە دژایەتى سه‌ندیکا ناكەن. خۆ ئەگەر كرێكارێ نەشبێتە نەقابى لە هەڵوێستى بەڕێوەبەرێتى ( ادارە ) وەیە نەك لەبەر ئەوە بڵێت ( سه‌ندیکا پێكهاتەیەکی سەرمایەداریەو نامان گەیەنێتە هیچ كوێ، بۆیە ڕێكخستنمان لە ڕێكخراوێکی شۆڕشگێرانەدا زۆر پێویستە ).
   گروپ هەروەكو ئەوەیان بۆ ناسەلمێنرێ كە سه‌ندیکا جەماوەرى خۆى و ڕۆڵى خۆى هەیە لەسەر كرێكاران، ناشتوانن ئەوەمان بۆ بسەلمێنن كە كرێكاران دژایەتى سه‌ندیکا دەكەن و  هەڵى دەوەشێننەوە، گەر وایە باپێمان بڵێن ئەو چینە كامەیە كە خەبات دەكات لەدەرەوەى سه‌ندیکا و لەكوێ ؟    بەڕاى من ئەگەر پارتێکی سیاسى وەك گروپیش باسى لێوە َدەكات لە ئارادابێت، هەر ئەوە ناگەیەنێت كە ئەندامانى ئەو پارتە ئەندامى سه‌ندیکا نەبن لەبەر دووهۆ:- یەكەم باوەڕ ناكەم ژمارەى ئەندامانى پارت زیاتر یائەوەندەى ژمارەى نەقابییه‌كان بێت هەتا لەو بارەشدا بتوانرێ سه‌ندیکا قووت بدرێ و بوونى بۆ نەمێنێتەوە.
دووهەم ئەگەر ئەندامانى پارت كرێكار بن هەڵبەتە هەمیشە لە بەیەكاداندا دەبن لەگەڵ بەڕێوەبەرایەتىدا بۆ ئەمەش پێویستیان بە یەكگرتن هەیە لەگەڵ هاوەڵە نەقابییه‌كانیاندا بە دەربڕینى بیروبۆچوونیان و هەوڵدان بۆئەوەى ببێتە ڕاى باو وگشتى تاوەكو بەڕێوەبەرایەتى چۆك دابدات. ئەو ناكۆكییه‌ى كە لەنێوان سه‌ندیکاو بەڕێوەبەرایەتىدا هەیە بەشێكە لەناكۆکی و كێشمەكێشى(پارت) لەگەڵ سەرجەمى سیستەمەكەدا، خۆئەگەر ئەمە وابێت ئەى بۆچى دەبێت كرێكاران خەبات بكەن دژى سه‌ندیکا یان بۆچى کۆمونیستەكان ئەندامى سه‌ندیکا نەبن ؟ بۆیە سه‌ندیکاو پارتیش دەتوانن هەردووكیان لەو مەیدانە دابن، ئەندامانى پارتیش نەك هەر ڕەواو دروستە كە ئەندامى سه‌ندیکا بن بەڵكو دەبێ لەڕیزى هەرە نەقابییه‌ چالاكەكاندا بن، مەگەر بەندێکی ترى پێشنیاركراوەكانیانى(پارت) ئەو ئازادیەش لەكرێكاران زەوت بكات. گروپ چونكە زانیارىیان  لەسەر كرێكاران و بزووتنەوەكەیان نییه‌، كە سه‌ندیکاش بەشێکی سەرەكییه‌ لەو بزووتنەوەیەدا هەروەها لەسەر ئەمیش نییه‌.
  بۆیە ناكرێ داواى هەڵوێستى بەكردەوەیان لەسەر سه‌ندیکا لێ بكرێ، خۆپێشاندان و مانگرتن، ڕێكخراوەكانىتر،… تەنیا ئەوە دەزانن بڵێن ئەمانە( دژەشۆڕشن ) بۆیە شتى كردە و چارەسەریش لایان تەنیا خۆ ڕێكخستنە لە پارتى نێونەتەوەیىدا بەرەو بیناكردنى دیكتاتۆرى پڕۆلیتاریاىجیهانى.
   لە بەندى 39دا دەڵێن " الاضطهاد العنصری والاضطهاد الجنسی وتدمیر البئه… هی ظواهر ملازمه لكل المجتمعات الطبقیه‌، الا انها لا تبلغ فی ای منها هذه‌ الدرجه من البشاعە والانتظام التی تبلغها فی ظل سیادە الراسمالیە وخصوصیا فی ظل التطور الحالی لدكتاتوریە التقدم الخاص بالحضارە الراسمالیە… وان البرولیتاریا هى وحدها الطبقة الاجتماعیە التی تحمل فی كیانها ذاته هذا المشروع وتحقیقه، ای اثورة الشیوعیە".
   " على الضد من هذا المشروع، فان تبدید النضال عبر تجزئته وخلق حركات متمیزە – نسائیە وضد عنصریە و بیئویە… یهدف الى ستر واحدە او اخرى من هذه‌ المشاكل كما لو كانت میداناً معزولاً، دون السعی فی نفس الوقت الى مجابهە اسبابها العمیقە و المشتركه).
   هەر وەكو پێشتریش ووتم كێشەكە لەوەدایە كە گروپ لە واقیعەكە تێناگەن یان ڕاستر نایانەوێت تێبگەن، بۆیە هێڵێکی ڕاست و چەپ بەسەریا دەكێشن ، یان تەرازوویەكیان بەدەستەوەیە و بەئارەزووى خۆیان كێشانە دەكەن. لەوە ناگەن كە پڕۆلیتاریا چینێکی یەكگرتوو نییه‌، بریتییه‌ لە توێژاڵى جیاجیا، پاشان ئەوە نازانن كە ئەم جیهانە چەندێ پڕۆلیتاریاى تێدایە ئەوەندەش بەتاڵە، گەر بەتاڵە (بێكار) بە پڕۆلیتاریا ناژمێرن. یاپیرو پەككەوتە و خانەنشین كراو، قوتابین، هەموو یەكێكیش لەمانە مەرج نییه‌ تواناو ورە و كاركرنیان بۆ مەسەلەكان وەكو یەك بێت یان وەكو یەك لەكێشەكان بچنە پێشەوە. گروپ بوونى پارتى نێونەتەوەیى كرێكارى بەمەسەلەى یەكەم و ئامانجى سەرەکی دەزانێ.
   جارێکی‌تر ئەوە دەڵێمەوە كە تێكۆشان و یاخیبوون و شۆڕشگێرى شتێك نییه‌ بە بالاى مرۆڤ برابێت لە سەرەتاى بوونییه‌وە هەتا مردنى. كە دەستەویەخەى كێشەیەك دەبێتەوە، یان مالیجەت نامێنێ و لێ دەبڕێ و دەبێتە یاخیبوو، تێكۆشەر، شۆڕشگێر، وەكو چۆن لە ئێستادا كە دەوڵەتى بەریتانیا دەیەوێت ڕێگەیەکی خێرا دروست بكات، بەهەزارەها درەختى بۆ دەبرێ، سەدەها ماڵى بۆ دەڕوخێنرێ، بە هەزارەهاىتركە ماڵەكانیان لێوەى نزیكە  بە دەنگە دەنگى ئوتومبیل هەراسان دەبن، منداڵەكانیشیان تووشى تەنگە نەفەسى دەبن و ئاو و هەواكەیان پیس دەبێ… لەو كاتەدا ناچارن كە خۆیان ڕێكبخەن و هەوڵ بدەن بۆ ئەوەى پیڵانەكەى دەوڵەت هەڵوەشێننەوە. ناتوانن ڕابوەستن بۆكاتى ڕوودانى شۆڕشى کۆمونیستی و بڵێن: لێى گەڕێ ئەمانە پۆخڵەواتى ئەم سیستەمەن و لەگەڵ ڕووخانى ئەو شتانەش بە خۆیان لەناو دەچن؟ لەكاتێكدا هەتا ئێستا شۆڕشى کۆمونیستی نەسەرى دیارەو نەبنى.
   هەر بەم شێوەیە ئەمڕۆ لە ئەوروپادا نازیزم و فاشیزم دژى خەڵكانى رەِش پێست و بێگانە لەوپەڕى دایە، ئەم مەترسییه‌ كە تێكۆشان و خەباتى خەڵك یەك دەخات و ڕێكخراو، گروپی ئەنتى ڕەگەز پەرستى و فاشى و نازى پێ دروست دەكات و دەیان خاتە سەرشەقام و لەگەڵ پۆلیس و دوژمنەكانیاندا بەیەكادان دروست دەبێ، نەك لەلایەن بۆرجوازییه‌وە بڕیاریان بۆ درابێت، یان هەر لە لەدایك بوونیانەوە ئەمەیان بە بەردا بڕابێت.  دیسانەوە ئەمانیش ناتوانن چاوەڕوانى شۆڕشى کۆمونیستی بكەن گەرچى  زۆر لە گروپ باشتر دەزانن كە دەوڵت و پۆلیس و یاسا یارمەتیدەرى دوژمنەكانیانە و ئەوەش تێدەگەن كە ئەمەش خڵتەو دەرهاوێشتنەى ئەم سیستەمەیە، بەڵام چاوەڕوانى كەى و تاكو كەى؟! گەر لە ئێستادا دژیان نەوەستنەوە تا شۆڕشى کۆمونیستی بەرپا دەبێت بنەبڕو ڕیشەكێش دەكرێن.
   كێشەى ئافرەتیش هەر هەمان شتە، كەسێ نییه‌ نكۆڵى ئەوە بكات كە ئافرەتان لە ئەوروپاشدا، لەڕووى جنسى و جەستەشەوە لە پیا و زیاتر دەچەوسێنرێنەوە، ڕێژەى ئافرەتانى بێكار لە پیاوى بێكار زیاترە و ئەو ئافرەتانەى كەكاریشیان هەیە لە زۆربەى شوێندا موچە وكرێى كەمتر لە پیاوان وەردەگرن یان كارى خراپتریان هەیە لەچاو پیاوان، بەهۆى هەلومەرجى ژیانیانەوە، فشارى كۆمەڵگە و مێردو هاوسەر و مندال زیاتر لەسەر ئەوانە ئەمە بێجگە لەوەى سروشتیش فشارى خۆى هەر لەسەر داناون.
   ژمێریارییه‌کی زۆر لەسەربارو گوزەرانى ئافرەتان كراوە، بەپێى یەكێ لەو ژمێریار  ـ یانە لە بەریتانیا ئافرەتان 44%ى هێزى كارگەرن ، بەڵام 45% یان(Par-time) پارتایم كاردەكەن. هەرچەندە دەستورى یەكسانى لەكرێدا لەساڵى1970وە دەرچووە، بەڵام تا ئێستا ئافرەتان كەمتر لە پیاوان كرێ وەردەگرن، وە ئەو كارانە دەكەن كە خراپن و  زۆربەش هیچى لێوە فێرنابن. بۆ ئەم مەبەستە بڕوانە ڕۆژنامەى گاردیان 5شەممە 23-2-1996 نوسراوێك لەژێر ناوى (Warning on womens Jobs). جا لەم بارەدا كە ئەوەى ڕووبەڕووى دەبنەوە لە پیاودا زۆر كەمتر دەیبنینەوە، هەر بۆیە دروستكردنى یەكێتى یان كۆمەڵەى ژنان مافى خۆیانە. دەبێ ئەوە تێبگەین كە هەموو دیاردەیەك هۆكارى خۆى هەیە، هەر بۆیە بوونى كۆمەڵەیەك یان ڕێكخراوێکی ئافرەتان كە خۆیان بە ئامرازى ڕزگارى یان سوككردنى بارى ژیانیان دەزانن، شتێکی ڕەوایە. تاوەكو ئەو جیاوازیەش لە نێوان ئافرەت و پیاودا بمێنێت بەڵگە و بیانووى ئەم ڕێكخراوەى ژنانیش هەر دەمێنێت، گەرچى ئەمەش بەربەست نابێت لەبەردەم ئەوەى كە ببێتە ئەندامێکی چالاکی پارتێك یان ڕێكخراوێکی شۆڕشگێڕ، وەبوونى ئەم ڕێكخراوانەش ئەوە ناگەیەنێت كە دەوڵەت بۆى دروستكردوون یان بە سوودى ئەوان دەشكێتەوە، دیسانەوە ئەوەش ئاشكرایە كە زۆربەى زۆرى ئافرەتان ئەو ڕاستییه‌ باش دەزانن كە كۆمەڵگە ئەو جیاوازیەى دروستكردووە و ئەو كۆمەڵگەیەش كە سیستەمى چەوسێنەرانەى سەرمایەدارى تێیدا باوە و تاوەكو ئەو سیستەمەش بەردەوام بێت، چەوساندنەوە و جیاوازیش بەردەوام و بەر قەرار دەبێت.
   گروپ تووشى وشكهەڵاتەیى بیر و بیرتەسكی بووە، ململانێى چینایەتیشیان وا بچوك كردۆتەوە تەنیا لە بوارى كەمایەتییەکی زۆركەمدا لە قوژبنى ڕه‌فه‌ى كتێبەكانى ماركس و ئەنگلس و لێنین دا سەریان ناوە بەیەكەوە و سەرگەرمى دەمە تەقێ و جەنجاڵى قسەكردنن، دوور لە به‌رخورد لەگەڵ كرێكاران و واقعەكەیان، كێشەى چینایەتى لاى ئەوان ئەوەندە بچووك كراوەتەوە كە لە چەند ووشەیەکی وەك شۆڕشگێڕو نا شۆڕشگێر، شۆڕش و دژە شۆڕش، ڕیفۆرم و شۆڕش، کۆمونیست و بۆرژوازى زیاتر باناكات. ئەو ڕاستییه‌ نابینن كە لەم وڵاتانەدا بەتایبەت  ووڵاتێکی وەك بەریتانیا ملمڵانێى چینایەتى ئەوەندە پان و بەرینە، ڕك وكینە دژى ئەم سیستەمەو دەرهاوێشتەكانى، خەڵکی ئەم ووڵاتەى بەكرێكارو بێكارو خوێنكارو پیرو پەككەوتەو خانەنیشین كراوەوە….هتد، لە سەدان گروپ و ڕێكخراوەى وەك: دژى هەڕەشەى پۆلیس، شەقامى خێرا، شیرپەنجەى ئافرەت، ئەنتى ڕاسیست، بەرگرى لە خەلكانى بێگانە، بەرگرى لە باڵندە و گیان لەبەرو ئاژەڵ، دەوروبەر و سەوزایى، دژى نەخۆشى ڕەبۆ، دژى چەکی ئەتۆم، كۆمەڵەكانى پیرو پەككەوتەو كەم ئەندامەكان، كۆمەڵەى پیاوان و ژنانى لێك جیاوەبوو… تا دەگاتە گروپی پیاوان و ئافرەتانێك كە ئارەزووى سێكسیان بەلاى هاوسێكسى خۆیاندا هەیە ڕێكخستووە.
   بێگومان هۆش و بیرى گروپ هەموو ئەمانەى سەرەوەى بۆ قبوڵ ناكرێ، هەموو ئەم شتانە بە دەستكردى بۆرژوازى و سیستەمەكەى دەزانن بۆ لێدانى بزووتنەوەى كرێكاران. بەڵام هۆش و بیرى کۆمونیستانە هەموو ئەم شتانە وەردەگرێ و بە بەشێکی گەورەى ئەوملمڵانێ چینایەتییه‌ى كە ئەمڕۆ لەئارایە دەزانێ و پشتگیرى تەواویشى لێدەكات، ئەویش لەبەر ئەوەى:- 
یەكەم: ملمڵانێى چینایەتى زۆر لەوە گەورەترە كە بریتى بێت لە ملمڵانێى تاكە پارتێکی چەند هەزار كەسى و ئەم سیستەمە، وە ئەو ملمڵانێییه‌ ئەوەندە بەرفراوانە جۆرەها شێوازى خەبات دەگرێتە خۆ كە هەموو شتێ بەرەو یەك ئاكام دەڕوات ئەویش هەڵوەشاندنەوەى ئەم په‌یوه‌ندییه‌ کۆمه‌ڵایه‌تییه‌یە.
دووهەم: شۆڕش پڕۆسیسێکی مەزنە و هەڵوەشێنەرى ئەم په‌یوه‌ندییه‌، بۆیە ئەم پڕۆسیسە كارى دەستبژێر و كادر و پێشەوا نییه‌، بەڵكو كارىملیۆنەها خەڵكە بە جیا لەو خەڵكانەش ئەنجام نادرێ كە لەو گروپانەدا خۆیان ڕێكخستووە، بگرە ئەمانە تیایدا بەشێکی كاریگەریش دەبن.
   لەكۆتایدا دەڵێم پێكهێنانى سه‌ندیکا و هەموو گروپ و دەستە و تاقمەكانى دژ بەم په‌یوه‌ندییه‌- هەمووى پێداویستى كۆمەڵایەتى، زەبرو زەنگ و داندەیی ئەم سیستەمە دروستى كردوون و بەو پێیەش لەبەردەم شۆڕشى کۆمونیستیدا ڕێگر نابن، بەڵكو بە پێچەوانەوە بزووتنەوەكە دەبەنە پێشەوە چونكە ئەوەى گرنگە و دەبینرێ بەهێزكردنى گیانى بەرپەرچ دانەوەیە، یاخیبوونە، دژایەتیكردن و ناڕەزایییه‌ بەرامبەر بەم هەلومەرجەى ژیان و ئەو په‌یوه‌ندییه‌ کۆمه‌ڵایه‌تییه‌ و ئەم سیستەمەى ئەمڕۆ  كە لە ئارادایە.  هەموو ئەمانەش هەنگاوێكن بەرەو شۆڕشى سوشیالیستى.

*دەقى ئەم نووسینە پێشتر لە شێوەى دەستنووسدا لەنێو كۆمەڵێك هەڵسووڕاودا بڵاوكراوەتەوە، دواتر له‌ ژماره‌ یه‌کی جانیوه‌ری 2000ی گۆڤاری دالیان دا بڵاوکراوه‌ته‌وه‌.‌

 

Previous
Next
This site is registered on wpml.org as a development site.