Skip to Content

Friday, March 29th, 2024
گوڵه‌.. تۆش له‌ سه‌مای ئاو تێناگه‌ی …  فاتیح سه‌لام

گوڵه‌.. تۆش له‌ سه‌مای ئاو تێناگه‌ی … فاتیح سه‌لام

Closed
by December 27, 2012 ئەدەب

 

 

تۆش له‌ سه‌مای ئاو تێناگه‌ی 

راڤه‌ی هه‌ورێكی كۆچه‌ری و 

ژانی چه‌خماخه‌ی ئاوسی ( خه‌ت ) ی بارانیش نازانی !.

نیگاكانت كل رێژ مه‌كه‌ ، به‌ره‌شی شه‌و 

چاوێلكه‌كه‌ت بێنه‌ خوارێ‌ 

تا نیوه‌ی خۆت له‌ پاییزی ئۆغر خێری و دابرانا

بدۆزییه‌وه‌

هه‌نگاوه‌كان به‌ ته‌قه‌ڵی سه‌فه‌رته‌وه‌ دامه‌دووره‌

له‌ پێش ئاوێنه‌ی شكاوی نۆبه‌ره‌ی یه‌كه‌م ته‌كانا 

چه‌قۆ مه‌نێ‌ به‌ گه‌ردنی دیلیته‌وه‌ 

به‌سوننه‌تی داره‌مه‌یتا هه‌ڵمه‌شاخێ‌ 

كاتێ‌ پرچت ره‌نگی خۆرنشین قووت ده‌دا و 

ئه‌هریمه‌ن دوو پشكۆ برۆی دۆزه‌خی خۆیت ده‌داتێ‌ 

شاباڵه‌كانتم بده‌رێ‌

من به‌نده‌ری ئه‌زه‌لیه‌تی جاده‌یه‌ك چۆڵ چاوه‌روانمه‌ 

تا ره‌نگی گوڵ ، له‌ كراسی غه‌ریبیتا دادرم  و ..

بیده‌مه‌وه‌ به‌ چاوی باخ

له‌ رۆژهه‌ڵاتی دیتنما 

گمه‌ی كۆتره‌كانی دووریت بچنمه‌وه‌ 

له‌و دیوو رێژنه‌ی بارینه‌وه‌ قه‌ده‌غه‌یت بزمار رێژكه‌م 

چه‌تره‌كه‌ت تووڕده‌م  تا ته‌ربوون 

چاوێلكه‌كه‌ش بێنه‌ خوارێ‌ 

ئاسمانێك له‌ چرای حه‌رفی  داگیرساوت 

بانگی یاخی بوون هه‌ڵده‌ده‌ن 

كه‌وی نابن به‌ ته‌لبه‌ندی هیچ سنوورێ‌ 

گوێ‌ ناده‌نه‌ ترس و نۆقی 

هیچ چه‌كدارێ‌ 

هیچ پاسدارێ‌ 

                                               26/12/2012 

 

Previous
Next
This site is registered on wpml.org as a development site.