Skip to Content

Friday, March 29th, 2024
گوڵی ئاڵ…. فواد قاموسی

گوڵی ئاڵ…. فواد قاموسی

Closed
by February 20, 2008 ئەدەب

پاش
 ئه‌م بازه شه‌ق بردوه
پاش
ئه‌م خاوه‌ن مه‌رگه
به‌هار
كچێكی ته‌نیایه‌و
چاوه‌ڕێی سواره‌كه‌یه‌تی
به‌یانیان
ژیان په‌ڕه‌سێلكه‌یه‌كی
 ناسكی سپیه و
 بۆ هێلانه
 هه‌ڵده‌فڕێ به‌ره‌و
 ماچی گه‌رمی
 دوو په‌پووله
***
روخساری جیهان
لایه‌كی ره‌شی
لایه‌كی سپی
یه‌كیان
گریانی پاكی
یه‌كیان
بزه‌ی درۆ
گوڵی ئاڵ
مه‌گری!
منیش
شه‌وانێ دوور و درێژ
دڵ‌خۆشی
 شنه‌ی شه‌ماڵ و
 ئه‌سری چاوه‌كانم بووم
به‌ڵام
برسیه‌تی،فرمێسك،ئازار
***
ئازیز
جیهان
هه‌موو ئازاره و
ئاسمانیش هه‌ر ئازار
به‌ڵام
زه‌رده‌خه‌نه‌ی په‌پووله و
 شریخه‌ی شه‌ره‌ف
 له شه‌وه زه‌نگدا
شایه‌كی بێ‌بڕانه‌وه‌یه بۆ
مێژوو و
په‌ڕه‌سێلكه‌ی سپی
گوڵی ئاڵ
بۆنت
شه‌رابێكی كۆن كه‌وتوو
باڵات
 تابلۆیه‌كی شیرین
شیاوی شانازی باخه‌وان
بژی به
 سروه‌ی هه‌ناسه و
به‌فراوی ماچ
به‌ڵام وریا به
شه‌یتانی شه‌وی شه‌كه‌ت
خۆی لێ
 مه‌ڵاس داوی!.

سه‌قز

Previous
Next
This site is registered on wpml.org as a development site.