هاوارێكی بێ ده‌نگ ….گه‌شاوه جاف
هاوارێكی بێ ده‌نگ
هیچ ووشه‌یه‌ك نیه به‌یانی كات خه‌مه‌كانم
هیچ زه‌ریایه‌ك نیه گه‌وره‌تر بێت له ئاهه‌كانم
شاخێك نیه به‌رزتربێت له شاخی غه‌مه‌كانم
ڕووبارێك نیه به خوڕتر له خوڕه‌ی فرمێسكه‌كانم
ئازارێك نیه به‌سوێتر له ئازاره‌كانی ڕۆژانه‌م
هه‌ورێك نیه ڕه‌شتر له ڕه‌شی ڕۆژی به‌ختم
بارانێك نیه ڕێژنه‌دارتر له ڕێژنه‌ی ئه‌سرینه‌كانم
زامێك نیه گه وره‌تر له زامه‌كانی جه‌سته‌م
سه‌حرایه‌ك نیه گه‌رم و ووشكتر له ناخ و هه‌ستم
خوداش هێنده‌ی ته‌نها نیه به‌قه‌د ته‌نهایی ڕۆحم
هیچ مردنێك ئاسته‌م نیه هێنده‌ی ئاسته‌می ژینم
كه‌سێ نیه به‌قه‌د غه‌ریبیم غوربه‌تی لێبیكێ
هیچ مه‌رگه‌ساتێك ناگاته ئه‌م مه‌رگه‌ساته‌ی تێدا
سه‌رمه‌ستم
تاریكی شه‌وه‌زه‌نگ ناگاته تریكستانی خه‌یاڵم
ئاگرێك نیه به‌تینتر له ئاگری ته‌نهایی هه‌ناوم
دڵێك نیه پاك و فراوانتر له دڵه‌ی بێگه‌ردم
هێچ ناڵه‌یه‌ك ناگاته ناڵه‌ی دڵه‌كه‌ی شكاوم
هه‌رگڵ ئه‌توانێ بهێنێته‌دی گشت ئاواتی خنكاوم
ده‌سا ئه‌ی فه‌له‌ك كۆتا بهێنه به ژینی سه‌رلێ شێواوم
تا ڕوخسارم به‌گڵ شادبێت له بیری كه‌م به‌سه‌رهاتو
ڕووداوم
گه‌شاوه جاف
له‌نده‌ن/٢٠٠٨
