Skip to Content

Thursday, March 28th, 2024
بمانبه‌خشه ‌نیشتیمان  ….. نامۆ سامان

بمانبه‌خشه ‌نیشتیمان ….. نامۆ سامان

Closed
by July 29, 2009 ئەدەب

   

                         
 
چه‌تره‌که‌م هێشتا باران ته‌ری نه‌کردووه
من سه‌رتاپا بارانم لێده‌تکێ
به قه‌هره‌وه
به روحێکی پر له‌حوزنه‌وه
له به‌رده‌م ئه‌م مێژووه قه‌موره‌دا
رۆژی سه‌دان جار ده‌بمه ئاو
ئاو ده‌بێت به‌من
ئه‌ی گه‌وره‌کان
ئه‌ی خواکانی ئه‌هریمه‌ن‌و
سه‌دای نه‌گیلسی مرۆڤ
ئه‌ی مرۆڤ
ئه‌ی به‌شێک له‌به‌خته‌وه‌ریو
به‌شێک له‌به‌دبه‌ختی رۆژه‌کان
به‌شێک له‌هیواو
به‌شێك له‌دۆراندن
بروانن چۆن منتان به‌گه‌نجی برده ناو دۆزه‌خی جه‌نگه‌وه
جه‌نگێ که‌ئێوه دۆرانتان له‌سه‌ر ته‌مه‌نی من
کۆشکێک که‌ئێوه دروستانکرد له‌سه‌ر ئێسکو پروسکی من
بروانن چۆن منتان به‌قولاپی فه‌لسه‌فه رزیوه‌کانی
 حیزبدا هه‌ڵواسی
منتان به‌م ته‌مه‌نی شوشه‌ییه‌وه
به‌م ئاخو ئۆف‌و هه‌نسکی دڵه‌وه
به‌ره‌و کێڵگه‌‌کانی جه‌نگ راپێچکرد
له‌گه‌ڵما وه‌ره هاورێ
ئه‌شێ ئه‌مه دواهه مین پیاسه‌ی
شه‌قامه‌که ئیبه‌کانی نیشتیمان بێت
ئه‌گه‌ر ئێمه نیشتیمانێکمان هه‌بێت
گه‌ر ئێمه له‌م مێژووه دۆراوه‌دا گوڵێک بچنین بۆ عه‌شق
گه‌ر ئێمه له‌م جه‌نگه‌ نه‌گیلسه‌دا سه‌نگه‌رێک لێده‌ین بۆ ژیان
جاران به‌عه‌شقه‌وه
جاران به‌ده‌م خه‌نده‌و سڵاوی یاره‌وه
رووبه‌رووی مه‌رگ ده‌بووینه‌وه
ئه‌ما ئێستاکه به‌مه‌رگه‌وه
رووبه‌رووی ژیان ده‌بینه‌وه
کاره‌ساته هاورێ
ئه‌ی نیشتیمانم
تۆ به‌م  هه‌موو ئازاری جه‌سته‌یه‌وه
من به‌م  هه‌موو سوتماکی روحه‌وه
تۆ به‌م  هه‌موو جه‌لادو شمشێره‌وه
من  به‌م  هه‌موو مێژووه دۆراوه‌وه
تۆ به‌م  هه‌موو رمرمێنی جامبازانه‌وه
من به‌م  هه‌موو خیانه‌ت‌و
شکستی عه‌قڵه‌وه
تۆ به‌م  هه‌موو ئه‌نفالو
گۆری به‌کۆمه‌ڵه‌مه‌وه
من به‌م  هه‌موو بڵندگۆ رزیوه‌ی حیزبانه‌وه
له‌گه‌ڵما وه‌ره هاورێ
ئیتر هیچ شتێک نرخی نه‌ما بۆ ووتن
ئیتر خوا مانایه‌کی پێنه‌به‌خشین بۆ ته‌نیای
ئیتر نیشتیمان هه‌ناسه‌یه‌کی تیا نه‌ما بۆ ئه‌وین
ئیتر حیزب کۆمپانیایه‌کی گه‌وره‌یه بۆ
کرینو فرۆشتن
بمانبه‌خشه‌ئه‌ی نیشتیمان
ئێمه له‌کاولبوون‌و نائومێدی نه‌بێت
ئێمه له‌دۆراندنو خیانه‌ت نه‌بێت
هیچی ترمان پێنه‌بوو

 

Previous
Next
This site is registered on wpml.org as a development site.