Skip to Content

371 Views

راپرسیه‌كانی ئه‌مریكا راست ده‌رنه‌چون !! … عیماد عه‌لی

راپرسیه‌كانی ئه‌مریكا راست ده‌رنه‌چون !! … عیماد عه‌لی

Be First!
by November 11, 2016 General
image_print

بیركردنه‌وه‌ و بارودۆخی گه‌لی ئه‌مریكا، له‌سه‌رجه‌م رووه‌كانیه‌وه‌، به‌ تایبه‌تی سایكۆلۆجی و كۆمه‌ڵایه‌تی و رۆشنبیریه‌وه‌، تایبه‌تمه‌ندیی خۆی هه‌یه‌، كه‌له‌ زانینی مه‌رام و نیازی تاكی كۆمه‌ڵگه‌ و ته‌نانه‌ت كۆی گشتی ئه‌و گه‌له‌ش بۆ هه‌ر مه‌به‌ستێك بێت، به‌ پێی چینه‌كان، جیاوازیه‌كی گه‌وره‌ی له‌گه‌ڵ بیركردنه‌وه‌ و ره‌فتاری تاكی كۆمه‌ڵگایه‌كی تردا به‌ روونی دیاره‌ . به‌ واتایه‌كی تر، وزعی ژیانی كۆمه‌ڵایه‌تی خه‌ڵكی ئه‌مریكا به‌ شێوه‌یه‌كی دیار به‌سه‌ر چینه‌كاندا دابه‌شبون و ده‌توانرێت به‌ جوانی جیاوازیه‌كانیان دیاری بكه‌یت، ئه‌مه‌ش به‌و واتایه‌ی كه‌ چینی چه‌وساوه‌ و ناوه‌راست و باڵاكان به‌ شێوه‌یه‌ك مه‌ودای نێوانیان ده‌رده‌كه‌وێت كه‌ له‌ هیچ وڵاتێكی ته‌نانه‌ت سه‌رمایه‌داری تریشدا به‌و شێوه‌یه‌ نیه‌، ئه‌مه‌ش راستی ئه‌وه‌ ده‌سه‌لمێنێت كه‌ كۆمه‌ڵگه‌ی تاكه‌ وڵاتێك گه‌یشتبێته‌ جه‌وهه‌ری ژیانی سه‌رمایه‌داریانه‌، به‌ پێی زانستی قۆناغه‌كانی پێشكه‌وتن و په‌ره‌سه‌ندنی ئابوری و سیاسیی كۆمه‌ڵگه‌، له‌ئه‌مریكادایه‌ و له‌وێدا به‌رقه‌راره‌ . له‌مه‌شدا بێگومان چینی نه‌دار و پرۆلیتاریای راسته‌قینه‌ وه‌ك خۆی له‌وێدا ده‌ركه‌وتون .
ئه‌م چینه‌ش له‌ هه‌موو بواره‌كانه‌وه‌ جیاوازیه‌كی گه‌وره‌ی له‌گه‌ڵ ئه‌ونیتردا هه‌یه‌، له‌ لایه‌نی سیفه‌ته‌ ئه‌رێنیه‌كانه‌وه‌ بێت یان نه‌رێنیه‌كانه‌وه‌ و، له‌وه‌شدا بۆ مامه‌ڵه‌كردن له‌ گه‌ڵ مه‌سه‌له‌یه‌ك له‌ شێوه‌ی هه‌ڵبژاردن، تایبه‌تمه‌ندی خۆیان هه‌یه‌ . ئه‌گه‌ر واقعی سه‌رجه‌م چینه‌كانیش بخوێنیته‌وه‌، له‌ په‌یوه‌ندی و پابه‌ندبون له‌گه‌ڵ ده‌سه‌ڵاته‌كانیاندا، ئه‌وه‌ت بۆ ده‌رده‌كه‌وێت كه‌ چینی ناوه‌راست زیاتر له‌ ته‌ماسدان وه‌ك چینه‌كانی خواره‌وه‌ و، له‌به‌رئه‌وه‌ی هه‌ژارو نه‌دار، واته‌ یرۆلیتاریا زیاتر مه‌شغولی باری تایبه‌تی و ژیان و گوزه‌رانی خۆیه‌ و ته‌نانه‌ت له‌ رووی ئاستی به‌رێوه‌بردنی ژیانیان رێژه‌یه‌كی گه‌وره‌یان ناگه‌نه‌ باروگوزه‌رانی پرۆلیتاریای وڵاتانی سه‌رمایه‌داری تر، بۆیه‌ مه‌سه‌له‌ سیاسیه‌كه‌ و به‌شداریان له‌ ئالیه‌ته‌كان تاوه‌كو پێش ئه‌م هه‌ڵبژاردنه‌ و رۆژگاری ئه‌مرۆ زۆر كزبووه‌ .
ئه‌گه‌ر له‌و روانگه‌وه‌ هه‌ڵسه‌نگاندنێك بۆ هۆكاره‌كانی هه‌ڵه‌كه‌وتنه‌وه‌ی ده‌رئه‌نجامی راپرسیه‌كانی ئه‌مریكا بۆ هه‌ڵبژاردنی سه‌رۆكی خولی چل و پێنج بكه‌ین، كه‌ له‌ نێوان هیلاری كیلنتۆن و رۆناڵد ترامپدا به‌رێوه‌چوو، ده‌بینین هۆكار گه‌لێكی خودیی تایبه‌ت به‌ چۆنێتی به‌رێوه‌چونی پروپاگه‌نده‌و بانگه‌شه‌كان و فكر و بیركردنه‌وه‌ی چینه‌كان، وای كردووه‌ زۆرینه‌ی ره‌های ده‌زگا زانستیه‌كان له‌و راپرسیه‌دا به‌هه‌ڵه‌دا بكه‌ون، بۆچی ؟
*گرنگترین هۆكار، بۆ ده‌رنه‌خستنی ناخی هاوڵاتی و گیرۆده‌بونی به‌ كێشه‌ ژیانیه‌كان و قورسایی ژیانی خۆیه‌وه‌ و باوه‌رنه‌بونی به‌و مه‌سه‌لانه‌ی په‌یوه‌ندیدارن به‌و راپرسیانه‌وه‌ هه‌یه‌ له‌ لایه‌ك و، نه‌بونی راستگۆیی و به‌ راستی وه‌ڵام نه‌دانه‌وه‌ی خه‌ڵكه‌ سمپڵه‌كه‌ بۆ پرسیاره‌كانی دام و ده‌زگا راپرسیه‌كان له‌ لایه‌كی تره‌وه‌، راستی و دروستی ده‌رخستنی ده‌رئه‌نجامه‌كانی والێكرد . له‌م جاره‌دا چینی پرۆلیتاریا له‌ بژارده‌ی نێوان هه‌ردوو كاندید و هه‌ڵبژاردنیان، تا دوا ساته‌كان رارابون و، ئه‌وه‌ی یه‌كلاییش بوه‌وه‌ راستیه‌كانی بۆ ئه‌و ده‌زگایانه‌ وه‌ك خۆی ده‌رنه‌خست، له‌به‌ر كۆمه‌ڵێك هۆكار له‌ پێشیانه‌وه‌ش :
1- بڵاوبونه‌وه‌ی ترس و تۆقاندن و ناكۆكی له‌ نێوان خۆیاندا له‌و باره‌وه‌ و دووركه‌وتنه‌وه‌ی خێزانه‌ هه‌مه‌ ره‌نگ و ره‌گه‌زجیاوازه‌كان به‌ شێوه‌یه‌كی بێ پێشینه‌ له‌یه‌كتر، كه‌ به‌م رێژه‌یه‌ له‌ هه‌ڵبژادنه‌ پێشووه‌كانی تری ئه‌مریكادا رووی نه‌داوه‌ .
2- ململانێی نێوان ره‌گه‌ز و ره‌نگه‌ جیاوازه‌كان و نیگه‌رانیان له‌ ترامپ و راوبۆچونه‌كانی له‌ لایه‌كه‌وه‌ و په‌یمانه‌كانی بۆ باشتر كردنی وه‌زعی نێوخۆیی ئه‌مریكا له‌سه‌ر حسابی گرنگی نه‌دان به‌ سیاسه‌ت و تێچوه‌كانی سیاسه‌تی ده‌ره‌وه‌ی ئه‌مریكا له‌ لایه‌كی تره‌وه‌، وای كردبوو تا دواساته‌كانی ماوه‌ی هه‌ڵبژاردن خۆیان یه‌كلایی نه‌كه‌نه‌وه‌، ئه‌مه‌ش ده‌زگا راپرسیه‌كانی خسته‌ ته‌ڵه‌ی باوه‌ربون به‌ زاڵبونی چینی ناوره‌است و پشتب سه‌تن به‌ زانیاریه‌ كۆنه‌كان له‌ یه‌كلایی بونی ولایه‌ته‌كان بۆ حزبه‌كان و نه‌خوێندنه‌وه‌ی جاده‌ به‌ شێوه‌ تازه‌كه‌ی و نه‌زانینی بری خه‌ڵكی رارا له‌و باره‌وه‌ .
3- روحی گۆرانخوازی له‌ نێو نه‌وه‌ی تازه‌ی چینه‌ چه‌وساوه‌كانی ئه‌مریكا و ئاواته‌كانیان له‌ سه‌رهه‌ڵدانی گۆرانی گه‌وره‌ له‌لایه‌ن ئه‌م كه‌ڵه‌ سه‌رمایه‌داره‌وه‌ و كاریگه‌ری خۆی هه‌بوو و، له‌ لایه‌كه‌ وه‌ ده‌ترسان و له‌ لایه‌كی تره‌وه‌ دڵخۆش ده‌بوون به‌ ئه‌گه‌ری قازانج كردنیان له‌رووی بژێوی و باروگوزه‌رانیان بنمیچێكه‌وه‌ .
* به‌شداریكردنی رێژه‌یه‌كی باشی بێ پێشینه‌ له‌ ژماره‌ی هاوڵاتیان له‌م هه‌ڵبژاردنه‌دا، كه‌ بۆ ماوه‌ی چه‌ندین ساڵه‌ له‌ پرۆسه‌ی هه‌ڵبژاردندا به‌شدارنه‌بون، ئه‌مه‌ش هۆكارێكی سه‌ره‌كی بوو له‌ به‌درۆخستنه‌وه‌ و هه‌ڵه‌كردنی ده‌زگاكانی راپرسی .
* شاردنه‌وه‌ و نه‌دانی زانیاری و نیازی راست ودروستی له‌ لایه‌ن ئه‌وانه‌ی بۆ چه‌ندین خوله‌ ده‌نگیان نه‌داوه‌ و بێ ئومێد بوون، له‌به‌ر كۆمه‌ڵێك هۆكار له‌وانه‌ش، ترس له‌ خه‌ڵكه‌ ركابه‌ره‌كانیان و ئه‌وانه‌ی جیاوازن له‌گه‌ڵیاندا له‌ نێو كۆمه‌ڵگه‌دا له‌ لایه‌ك و، جیاوازی له‌ بۆچونی ره‌گه‌ز و ره‌نگه‌ جیاوازه‌كان له‌ نێو خۆیاندا له‌لایه‌كی تره‌وه‌، پاش ئه‌وه‌ی له‌م چه‌ند ساڵه‌ی دواییدا ناكۆكی كۆمه‌ڵایه‌تی به‌ شێوه‌یه‌كی گه‌وره‌تر له‌ نێوانیاندا روویداوه‌ .
* به‌شداریكردنی خه‌ڵَكی لادێكان و دووره‌ ده‌ست به‌ شێوه‌یه‌كی فراوان و به‌رزبونه‌وه‌ی روحی خودپه‌رستی و ره‌گه‌زپه‌رستی سپی پێسته‌كان له‌ به‌رژه‌وه‌ندی ترامپ كه‌وته‌وه‌ . كه‌چی ده‌زگاكانی راپرسی به‌ زۆری و له‌ ماوه‌كانی پێشودا پشتیان به‌ چینی ناوه‌راست و له‌ شاره‌كان و شوێنه‌ نزیكه‌كان ده‌به‌ست و، دوور بون له‌ خوێندنه‌وه‌ی راو بۆچون و چۆنێتی به‌شداریكردنی فراوانی خه‌ڵكی لادێ دووره‌ ده‌سته‌كان زیاتر له‌ خه‌ڵكی ناوه‌ندی شاره‌كان، ئه‌مه‌ش سه‌رجه‌م هاوكێشه‌كانی گۆڕی و راپرسیه‌كانی به‌درۆ خسته‌وه‌ .
ئه‌مانه‌ و، جگه‌ له‌ روانینی خه‌ڵك بۆ دوو كاندیده‌كه‌و سڵ كردنه‌وه‌ له‌ باسكردنی زۆر له‌ دید و بۆچونه‌كانیان له‌سه‌ر هه‌ر یه‌كه‌ له‌وانه‌ و تێكه‌ڵاوی له‌ نێوان مرۆڤدۆستی و ره‌گه‌زپه‌رستی و بیری ته‌سكی نوێی سه‌رهه‌ڵداو، كه‌ له‌م ماوه‌یه‌دا له‌ نێو كۆمه‌ڵگه‌ی ئه‌مریكادا ته‌شه‌نه‌ی كردووه‌و چه‌نده‌ها رووداوی به‌دوای خۆیدا هێناوه‌ . له‌به‌رامبه‌ردا ده‌زگاكانی راپرسی به‌ هه‌مان شێوه‌ی هه‌ڵبژاردنه‌كانی تر مامه‌ڵه‌یان له‌گه‌ڵ بابه‌ته‌كه‌دا ده‌كرد، بێ ئه‌وه‌ی جه‌وهه‌ری كاریگه‌ریه‌كانی ره‌فتار و لێدوانه‌كانی ترامپ بۆ خه‌ڵكه‌ ساده‌كه‌ بخوێننه‌وه‌ و، له‌به‌رامبه‌ردا، بڵاوبونه‌وه‌ی خاڵه‌ لاوازه‌كانی هیلاری به‌ پێی ئاشكرایی ژیانی سیاسی زۆرتری له‌ ترامپ و،له‌به‌رده‌ست بونی زانیاری سیاسی وردی زیاتر له‌سه‌ر هیلاری لای سه‌رجه‌م چینه‌كان و هه‌ندێك هه‌ڵه‌ و به‌ نه‌خۆشیه‌كه‌شیوه‌، له‌گه‌ڵ نارازیبون له‌ ده‌سه‌ڵاتی ئۆباما كه‌ به‌سه‌ر هیلاری دا شكایه‌وه‌ و ده‌زگا راپرسیه‌كان گرنگیه‌كی ئه‌وتۆیان پێ نه‌دا، له‌گه‌ڵ نه‌خوێندنه‌وه‌ی كاریگه‌ری ترامپ له‌سه‌ر عه‌قڵ و بیری نه‌وه‌ی نوێ و به‌شه‌ زۆره‌ به‌شداره‌كه‌ی هه‌ڵبژاردنی دوور له‌ شار و، گۆرینی مه‌یلی چینی ناوه‌راستیش له‌مه‌ر ئۆباما .

Previous
Next

Leave a Reply